Konfirmadu Kazu Pozitivu COVID-19 Iha TL Sa’e Ba Nain Neén
Naunil Media (Díli), Porta voz Sentru Integradu Jestaun Krize (CIGC-Sigla Português), Rui Maria de Araújo, informa kazu konfirmadu COVID-19 pozitivu iha Timor-Leste (TL) hamutuk nain neén (6).
Husi numeru ne’e nain ida(01) rekopera ona nain lima (05) iha fatin izolamentu iha Sentru Saude Vera-kruz Dili.
Porta Voz CIGC, Rui Araújo ba jornalista sira liuhosi konferensia inprensa, iha Media Center, Centro de Convenções de Díli (CCD), Tersa (14/04).
“Hahu hosi loron 06 fulan Marsu to’o agora suspeitu hatudu sintomas hamutuk nain 178, hein rezultadu hamutuk nain 34, konfirmadu hamutuk nain neén 6, restu seluk rezultadu negative”, Realata eis Primeiru Ministru iha governu konstitusionál da-neén, Rui Araújo.
Antes ne’e Timor-oan mai hosi nasaun afeitadu hamutuk nain 8 to’o iha Batugade, mai fali Dili sira hamutuk ema nain 25 no Tama iha fatin kuarentena obrigatóriu Otel Katuas, maibe iha Sesta (10/4) liu-bá, estudante feto ida pozitivu COVID-19, transfer tiha ba fatin izolamentu sentru Saúde Vera Cruz, nune’e mos iha fali Segunda horseik membru CIGC, Doutora Odete Viegas anunsia tan kazu foun 2 hetan pozitivu COVID-19 transfer tiha ba fatin izolamentu, nune’e hela nain 22 iha fatin kuarentena Otel Katuas.
Doutor Rui anunsia tan kazu foun komfirmadu Timor oan nain 2 rezultadu teste laboratóriu pozitivu ba COVID-19 no transfer ona ba fatin Izolamentu sentru Saúde Vera Cruz.
Dadaun nee ema iha kuarentena hamutuk nain 570, maiória passa ona hosi kuarentena tamba priense ona loron 14. Uar
