COVID-19 Iha TL : Rekoperadu Nain 21 no Hela De’it Nain Hitu Mak Sei Iha Izolamentu

Fahe Tutan

Naunil Media (Díli), Liuhosi Sala Situasaun, Kordenadór Forsa Tarefa Prevensaun no Mitigasaun Surtu COVID-19 no Porta Voz Sentru Integradu Jestaun Krize (CIGC-Sigla Português), Sergio Lobo, informa iha Timor-Leste (TL) kazu rekoperadu foun nain ida nune’e hamutuk nain 21 ona no sei iha izolamentu hela nain hitu (7).

Kordenadór Forsa Tarefa Prevensaun no Mitigasaun Surtu COVID-19 no Porta Voz CIGC, Sergio Lobo, ba jornalista sira iha Centro de Convencões de Díli (CCD), Kuarta (06/05).

“Total númeru teste ne’ebe ita halo ona hamutuk 738. Ohin aumenta tan nain 19, konfirmadu nafatin la muda hanesan loron hirak liu ba sei nafatin 24. Iha tan rekoperadu ida nune’e hamutuk nain 21, inklui pesoal saude neebe uluk afetadu nee agora rekoperadu tiha ona. Rezultadu teste negativu hanesan horseik 622, kazu foun foun laiha, provavel laiha, hein rezultadu teste konfirmasaun hosi Australia nain 92”, relata Porta voz CIGC dr. Sergio Lobo.

Portavoz CIGC dr. Sergio Lobo, relata liu-tan “Total ema sei iha kuarentena hamutuk nain 173, auto kuarentena iha munisipiu nain 46, auto kuarantena iha Dili laiha. Kuarantena obrigatóriu iha munisipiu nain 38, kuarentena obrigatóriu iha Dili nain 89. Profesional saúde iha kuarentena hamutuk nain 21, nain 12 iha Otél Timor no nain sia iha Otél Vila Verde”.

Total ema ne’ebe pasa ona loron 14, iha kuarentena hahu hosi loron 06 fulan Marsu tinan 2020, hamutuk nain 2059, hosi númeru ne’e nain 1639 iha Dili no nain 420 hosi munisipiu sira, no ema sai hosi kuarentena ohin Kuarta (06/05) hamutuk 80. Uar/Ana

Leave a Reply

Your email address will not be published.