Governu Autoriza Loke Portaun Fronteira Terestre

Fahe Tutan

Naunil Media (Díli), Ministru Defeza no Ministru Interior Interinu, Filomeno Paixão de Jesus, hateten governu konstitusionál da-ualu liuhosi ministériu ne’ebe nia tutela autoriza ona loke hikas portaun fronteira terestre Motaain hodi simu movimentu sidadaun Timor-oan hosi rai-liur mai Timor-Leste.  

“Semana ida loke fronteira dala ida iha loron Kuarta atu nune’e ema bele halo movimentasaun ba mai”, Ministru Defeza no Ministru Interior Interinu, Filomeno Paixão de Jesus, ba jornalista sira hafoin reuniaun Konsellu Ministrus (KM) iha Palasiu Governu, Sengunda (22/07).

Membru governu konstitusionál da-ualu ne’e informa, governu Timor-Leste liuhosi Ministériu Interior hatun ona despaixu ba Diresaun Nasionál Servisu Imigrasaun (DNSI) atu loke hikas portaun fronteira terestre Motain.

“Depaixu hatun ona ba iha parte fronteira no mos ba iha imigrasaun iha semana hotuk liu-ba atu bele haree ba buat sira ne’e”, informa Ministru Filomeno Paixão.

Ministru Defeza no Ministru Interior Interinu, Filomeno Paixão de Jesus, hateten    PNTL no F-FDTL iha fronteira, sira prontu asegura seguransa ba fronteira.  

“Polísia ho F-FDTL sira ne’ebé mak iha fronteira, sira mos halo patruliamentu maka’as hodi bele asegura seguransa iha ne’eba, nune’e bele prevene ba ema ne’ebé mak atu ultrapasa liuhusi dalan ilegais sira”. Dehan Paixão. Flo

Leave a Reply

Your email address will not be published.