PTR Deolindo : Harii Partidu Foun Tenki Kuiñese Lei

Fahe Tutan

Naunil Media (Díli), Prezidente Tribunal Rekursu (PTR), Deolindo dos Santos, hateten kualker sidadaun Timor Oan iha direitu atu harii partidu foun, maibe tenki iha kuiñesementu natón ba Lei konstituisaun Repúblika Demokrátika Timor-Leste (K-RDTL), liu-liu Lei partidu nian.  

PTR, Deolindo dos Santos, koalia asuntu ne’e relasiona ho partidu foun ne’ebé ohin loron mosu barak no hahu halo ona aktividade konsolidasaun iha teritóriu Timor laran.

“Kualker sidadaun Timor-Leste iha direitu atu involve án iha paridu ka atu harii partidu ruma. Sé mak hakarak harii partidu foun ne’e fasil, kompri de’it lei partidu ne’ebé mak estabelese ona, tanba lei  ne’e mak regula paridu polítiku, ne’ebé   tenki kuiñese di’ak lai lei partidu nian”,  PTR, Deolindo dos Santos, ba jornalista sira hafoin partisipa retiru jornada Orsamnetu Jéral Estadu (OJE) ba tinan 2021, iha Sala Auditóriu Kay Rala Xanana Gusmão, Ministéiru Finansa, Aitarak Laran,  Tersa (04/08).

Tuir PTR Deolindo, K-RDTL garante direitu sidadaun Timor oan hotu-hotu nian atu tama no harii partidu saida de’it iha Timor-Leste.  

“To’o agora hau seidauk simu partidu foun ruma, partidu tuan mak sei eziste ho estatutu partidu no partidu balun lakon ona”. Dehan Nia. Lop

Leave a Reply

Your email address will not be published.