PNTL Feto Prepara Fizika no Mental Kontra Anarkizmu

Naunil Media (Díli), Kinta (03/09) ne’e, Polísia Nasionál Timor-Leste (PNTL) Munisípiu Díli liu husi ekipa PNTL feto hala’o treinamentu fiziku no mental atu atua situasaun anarkizmu iha rai-laran.

Komandante PNTL Munisípiu Díli, Superindente Xefe Henrique da Costa, informa prepara ona ekipa polísia femenina kona-ba fizika nian liu-liu ba iha fórsa rejerva sira hanesan Task Force.  

“Loron primeiru hamutuk ema nain 20 mak partisipa  iha treinamentu fizika”, Komandante Munisipiu Díli, Superintendente Xefe Henrique da Costa, ba jornalista sira iha Komando Munisipiu Díli, Kinta (03/09).

Nia eskalrese, planu ba oin polísia femenina hotu iha munisipiu Díli tenki tuir treinamentu fiziku no mental.

“Iha manifestasaun ruma asuntu seguransa nian, PNTL bele koloka sira iha liña primeiru hodi bele garante manifestante sira, treinamentu ida ne’e la konsentra espesifiku ba eventu ruma maibé hodi prepara ba futuru karik iha ema balu halo manifestasaun, ema balu hato’o pedidu mai ita aprova no prepara seguransa preoridade ba PNTL hodi  fó garante seguransa”, tenik Nia.  

Iha fatin hanesan  Komandante Investigasaun  Kriminal, Inspektora Anita Kuadrus hatutan, treinamnetu ne’e hahu ohin, planu ida ne’e komando nian atu dezenvolve polísia femenina hotu-hotu prepara sira nia fisiku tanba kleur ona laiha treinamentu.

“PNTL femenina sira mós prontu atu apoiu polisia mane sira tanba iha situasaun barak mak iha área juridiku munisipiu Dili nian presija mós hodi polisia femenina treinamnetu ida ohin ba loron tolu hanesan treinamentu ne’ebé mak baziku no PNTL femenina mós presija tan treinamentu ba iha avansadu bele hatene no atende ba kuaker situasaun ne’ebé mak polísia femenin. Flo/Emj5