FEATUREDIkus LiuNewsSeguransa

Lere : Veteranu Sira Labele Hadau Malu Projetu

Fahe Tutan

Naunil Media (Viqueque), Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur, apela ba veteranu sira iha Uatolari labele hadau malu projetu no labele impede projeteu Governu, liu-liu konstrusaun ba haloót restus mortais. 

“Ha’u rona, imi iha ona fatin atu halot restu mortais, maibé ba halo kontrusaun  ne’e mak sai komplikadu, imi hadau malu projetu dehan sé mak ba halo no sé mak labele ba halo jardin herois nian, maibé ha’u fila ba Díli hateten ba Sekretariu Veteranus no Ministru Asuntu Veteranus dehan ba halo jardin herois atu hakoi ho diginidade iha fatin propiriu”, Xefe Estadu Maiór Jenerál F-FDTL, Majór Jenerál Lere Anan Timur, apela liu husi diskursu, iha ambitu akompaña Tour FALINTIL hodi vizita ba restu mortais, iha suku Matahoi, Postu Administrativu Uatolari, Munisípiu Viqueque,  Tersa (11/08).

Eis-gerileiru rejistensia komandante rejiaun Um Ponta Leste, Majór Jenerál Lere, akresenta iha fatin hotu-hotu tantu jardin herois, estrada no eletrisdade ema dehan veteranu sira mak hadau malu, tanba ne’e mak projetu lala’o,  ministru sira mós  tauk veteranu sira.

 “Ohin loron ita iha ona Konsellu Veteranus no  Ministériu asuntu Veteranus mós iha ona. Ida  ne’e obra husi Prezidente Repúblika (PR), Francisco Guterres ‘Lú Olo’ no Prmeiru Ministru Taur Matan Ruak, sira nain 2 hanesan mós veteranus 24 iha ai-laran, agora harii ona instituisaun rua ne’e mak buka problema veteranus no saudozu sira nian”, tenik Eis-gerilleiru rejistensia veteran 24 anos ne’e.  

Tuir Veteranu ne’e, tanba  de’it ema ida ka rua nian hahalok, listrik lalakan ba ema atus ida ka atus rua no tan de’it ema ida ka ema rua nian halalok, mate ruin sira seidauk haloot, maibe rai de’it iha armazen laran.

“Ha’u husu ba imi Uatulari iha tinan 2021, tenke harii ona jardin herois hodi halot tiha restu mortais”, apela Nia.

Vizita ne’e akompaña husi espoza Xefe Estadu Maiór Jenerál F-FDTL, Majór Jenerál Lere Anan Timur, Cidália Mesquita Ximenes (atual deputada kinta lejislativa), partisipa husi  vise Xefe Estadu Maiór Jenerál F-FDTL, Brigadeiru Jenerál Falur Rate Laek,  Xefe Estadu Maiór F-FDTL, Koronél Calisto Santos Coli ‘Coliati’, Brigadeiru Jeneral Sabika Besi Kulit, Brigadeiru Jeneral Maunana no membru F-FDTL, no akompaña husi adiministradór Uatolari, veteranu no populasaun Uatolari hodi ba vizita restu mortais. Vit

Leave a Reply

Your email address will not be published. Required fields are marked *