PJR José : Presiza Alarga Tan Matéria Lei Droga iha TL

Naunil Media (Díli), Prokuradór Jéral Repúblika (PJR), José da Costa Ximenes, informa lei numeru 2/2017 anexu A to’o anexu C nian laduun apár ona, tanba ne’e presiza tan matéria droga hodi kombate droga iha Timor-Leste (TL).

“Ami mos koalia ho Primeiru Ministru kona-bá matéria bazíku droga nian, ami haree lei numeru 2/2017 hosi anexu A to’o anexu B laduun apár ona, ita presiza alarga tan no hodi preve tan matéria balu kona-bá droga nian”, PJR José da Costa Ximenes, ba jornalista sira hafoin sorumutuk ho Primeiru Ministru (PM), Taur Matan Ruak iha Palásiu Governu, Kuarta (19/08).

Tuir Nia, karik matéria ba droga tribunal sira la preve ba lei atual, entaun tribunal deside absolve, no infelizmente tribunal deside matéria ida ne’e a-favór ba Estadu.

“Ita nia lei ida ne’e la preve, entaun ita presiza ita nia lei ne’e preve, se lae Timor-Leste la’os tranzitu ba droga maibé Timor-Leste sai fali tranzitu ba matéria groga” tenik prokuradór José da Costa Ximenes.

José informa, kona-ba projeitu estatutu Ministeiru Públiku nian to’o agora seidauk hetan solusaun.

“Koalia mos kona-ba projeitu estatutu ba Ministeiru Públiku nian tinan ida ona ami haruka ba Ministru Asuntu Parlamentares depois la konsege hetan solusaun, foin dadauk iha loron 30 fulan Jullu liu ba ministeiru justisa enkamina fila-fali”, dehan José da Costa Ximenes.

Ikus-liu, Nia informa durante reuniaun ho xefe órgaun ezekutiva Taur Matan Ruak, koalia mos kuadru ofisiál justisa nian, ne’ebé mak Ministériu Públiku haruka ba liu hosi governu no ministeiru justisa iha fulan Setembru tinan 2019, to’o agora sei dauk aprova, nune’e husu ba Primeiru Ministru Taur Matan Ruan hodi haree asuntu ne’e. José da Costa Ximenes. Lop