EBC 3° Ciclo Seloi Kraik Hetan Estragus husi Ema Deskuñesidu

Fahe Tutan

Naunil Media (Aileu), Eskola Baziká Central 3° Ciclo Seloi kraik Postu Aileu vila, Munisipiu Aileu, hetan estragus husi ema deskuñesidu hodi harahun vidru janela  eskola nian iha Domingu 23/08 kalan.

Adjunto Direktór Eskola EBC 3° Ciclo Seloi Kraik, Jorge do  Santos, informa hafoin akontesementu ne’e, impede aktividade apriendijazen tanba eskola sala ida hetan estragus.

“Ami labele hala’o prosesu aprendijazen tanba sala ida ema estraga no baku rahun vidru. Ami sei hein autoridade lokal sira liliu polísia atu mai haree”, Adjuntu Direktur EBC 3° Ciclo Seloi Kraik, Jorge do  Santos, ba Naunil Media iha nia kna’ar fatin, Segunda (24/08).

Adjuntu ne’e, hatutan to’o agora seidauk hatene kona-ba motivu lolos akontesementu ne’e, maibé parte eskola hato’o ona ba parte autoridade lokal nomós Ofisial Polisiamentu Suku (OPS) atu bele ba haree.

Iha fatin hanesan Professor António Simões, hateten maske nia hela besik eskola kuaje distasia kilometru ida resin maibé akontesimentu ne’e nia lahatene tanba akontese iha tempu kalan.

“Lahatene oras akontesementu ne’e, ohin dader to’o iha eskola haree vidru eskola nian iha parte kotuk ema baku rahun hotu kuaje klase ida tomak no mai eskola ha’u mós hakfódak estudante sira dehan mestri tanba sa mak vidru eskola nian rahun hotu”. Dehan Nia. Nty

Leave a Reply

Your email address will not be published.