Subsídiu Uma-Kain, MSSI Fiksa Dadus Reklamasaun 3.910

Fahe Tutan

Naunil Media (Díli), Diretór Jerál Ministériu Solidaridade Sosial no Inkluzaun (MSSI), Rui Exposto, informa kona-ba númeru reklamasaun 15.764  ba subsídiu uma-kain nian, ekipa tékniku MSSI halo ona análize no fiksa ona reklamadu 3.910.  

“Tama ona iha reklamasoens ne’e hamutuk 15.764, husi reklamasaun sira ne’e munisípiu Díli mak bo’ot liu, reklamasoens por volta 4.786, tuir fali Ermera 1.812, husi reklamasoens sira ne’e ami hatama iha dijitalizasaun servisu tuir internete. Reklamasoens, ami foin mak halo análiza fiksu hamutuk 3.910”, Diretór Jeral MSSI, Rui Exposto, ba jornalista sira iha nia kna’ar fatin Ministériu Solidaridade Sosial, Kai-koli, Tersa (01/09).

Diretór Jeral MSSI, Rui Exposto, hatutan total dadus husi reklamasaun 3.910 ne’e mai husi munisípiu sira hanesan Baucau, Ainaro, Cavalima, Lautém, Liquiça, Manatuto, Manufahi, Dili no munisipiu sira seluk komesa bok ona.

“Husi munisipiu Baucau, Ainaro, Covalima, Lautém, Liquiçá, Manatuto, Manufahi, Díli komesa uitoan, ami komesa bok ona Bobonaro ho Aileu mos komesa bok uitoan-uitoan ona no Governu nafatin promete sei selu reklamasoens sira ne’e”, tenik Diretór Jeral MSSI, Rui Exposto.

Diretór Jeral MSSI, Rui Exposto, dehan la signifika 15 mil ital reklamasoens ne’ebe temi iha leten ne’e tenke simu hotu, maibe sei haree elejivel atu simu. Apm

Leave a Reply

Your email address will not be published.