Lere : PM Tenki Mantein Orden no Disipliña iha Públiku

Fahe Tutan

Naunil Media (Díli),  Xefe Estadu Maiór FALINTIL-FDTL, Majór Jenerál Lere Anan Timur husu ba unidade Polísia Militár (PM) tenki mantein kumpri orden  no disipliña  iha públiku.

Xefe Estadu Maiór FALINTIL-FDTL, Majór Jenerál Lere Anan Timur, hateten liu husi nia deskursu iha serimónia graduasaun ba membru foun unidade PM, iha Kintal Bo’ot, Kinta (17/09).

“Imi (Polísia Militár) mos iha dupla funsaun tanba ita mos fó apoia ba ita-nia Polísia Nasionál Timor-Leste (PNTL), imi nia formasaun ne’ebé imi hala’o iha tempu naruk ne’e prepara imi atu sai Polísia Militár (PM) ne’ebé ho profesional lolos katak imi tenke iha dixipliña ho exemplu ne’ebé mak di’ak no inisiativa hodi hatene  ba obstakulu ne’ebé sadik imi nia kapasidade”, dehan eis-gerileiru rezistensia komandante rejiaun um ponta leste, Lere.

Tuir Lere, sai Polísia Militár la’ós misaun ne’ebé fasil, maibé difisi, maibe nia ekonraja atu labele tauk no hakiduk tenke brani hodi responsabiliza misaun no orden ne’ebé mak simu husi komandu.  

Nia dehan, ohin Organizasaun Naun Govermental balun politiza servisu F-FDTL hala’o serbisu parte PNTL nian servisu ne’ebé sai polemika iha públiku.

“Ha’u fó ezemplu foin dadauk polemika bo’ot tamba Polisia Militar la’o iha estrada, NGO balun dehan serku, linguajem lolos hale’u la’ós serku, mais tuir lolos tenki hale’u pois aperta no kaer ema ka grupu balun ne’ebé hakarak halo risku no estabilidade nasionál. Lalika  tauk no hakiduk ba kritika sira ne’ebé husi NGO sira”, dezafia Lere.  

Lere esplika, antes ne’e   Komando rua entre F-FDTL no PNTL asina ona akordu servisu konjunta, la sgnifika atu hala’o tomak polísia nian servisu, maibé F-FDTL kaptura ema ruma entrega ba nia nain mak PNTL.

“Ha’u husu ba imi hotu-hotu labele komete ba krime no aktu illegal sira hanesan bola gulin, arte-marsiais, tanba militár sai netral ba nasional no lutu ba nasaun, atu garante povu ninia liman kroat”, tenik Lere.

Partisipa iha serimónia gradausaun ba membru foun PM, embaxadór Portugal, Nova Zelandia, Brazil, Xina, Japaun no Amerika, no graduante ba unidade PM hamutuk nain  46. Flo/emj5

Leave a Reply

Your email address will not be published.