FEATUREDIkus LiuNewsPolitika

Deputadu Branco : Luta Kontra Korupsaun La’ós Fasil

Fahe Tutan

Naunil Media (Díli), Prezidente Organização Global Parlamentares Kontra Korupsaun (GOPAC-Sigla Ingles), Francisco Miranda Branco, hateten luta kontra korupsaun la’os buat fásil, tanba ne’e presiza entidade no sosiedade hotu-hotu nia-kontribuisaun.      

“Luta kontra korupsaun ne’e la’ós buat fasil, tamba ne’e GOPAC tenki iha mobilizasaun nasionál ida luta kontra korupsaun polítika nível akademia, emprezáriu no povu, ita halo sai luta ida mobilizasaun Nasionál hodi kontra korupsaun”, Prezidente GOPAC, Francisco Miranda Branco, ba jornalista sira  hafoin sai oradór ba seminar iha João Saldanha University (JSU), Bekora, Sesta (23/10). 

Reprezentante povu iha Uma Fuku Parlamentu Nasionál, Branco, dehan la fasil kombate kombate korupsaun, nune’e espera, liu-husi aktividade extra kurikular (seminar) refere bele ajuda, eduka sidadaun Timor oan hodi halo prevensaun. 

“Lei ne’e la’ós fasil, lei ezizi mos komplementares. Ita-nia lei ba baze mak lei prevensaun no luta kontra korupsaun, tanba ne’e iha lei inan mós hatete duni, presiza fulan neén atu prepara 180 dias, nia implementa loloós entre Fevereiru ho Marsu bele implementa ona”, tenik Prezidente GOPAC atual Deputadu husi bankada FRETILIN, Francisco Miranda Branco.

Iha fatin hanesan Reprezentante CAC, Henrique Lopes Soares, informa siensibliza ba públiku kona-ba prevensaun no kombate korupsaun, no ba futuru CAC ho GOPAC servisu hamutuk hodi fahe informasaun ba estudante sira.

“Informasaun ne’ebe ami simu, lei ne’e promulga ona sei entrada vigor iha Febreiru nia-laran i depois Febreiru mak CAC halo servisu, mais preparasaun, espesialista Anti Korupsaun prepara formatu ba registu no mós ba verifikasaun ba deklarasaun riku soin bens interese no rendimentu ba funsionariu sira”, dehan Hendrique. Emj16

Leave a Reply

Your email address will not be published. Required fields are marked *