Dezentendementu Entre FFTL ho Jornalista Rezolve Ona
Naunil Media (Díli), Kinta (29/10) ne’e, Asosiaun Jornalista Desportu Timor-Leste (AJORSTIL) submete karta lamentasaun ba Federasaun Futebol Timor-Leste (FFTL) relasiona ho dezentendementu jornalista ho Match commissioner iha joga final kopa FFTL mak hala’o iha estádiu Café de Ermera.
Dezentendementu refere mosu, tanba diskusaun manas entre komisáriu jogu Zelagio Da Silva muda obrigatóriu jornalista sira husi fatin definitivu ba fatin seluk, antes ekipa finalista rua Lalenok United kontra AD. SLB mak realiza iha Estádiun Café De Gleno Domingo (25/10).
Prezidenti AJORSTIL Evangelisto Gantry Do Santos Meilana, hatete jornalista barak preokupadu no sai kestaun, nune’e assosiasaun nu’udar mahon ba jornalista desportu hotu-hotu iha Timor-Leste submete karta lamentasaun.
“Ami halibur malu iha asosiasaun AJORSTIL mak halo karta ba lideransa máximu FFTL atu halo xamada atensaun ba Zelagio Da Silva ho aktu ne’ebe mak nia halo atu labele repete tan iha futuru”, hateten Prezidente AJORSTIL, liu husi konferensia imprensa ba jornalista sira iha sede FFTL. Hafoin submete karta ba lideransa FFTL.
Jerente Assosiasaun ne’e husu ba FFTL atu kria fatin dignu ida ba jornalista sira desportu bainhira realiza eventu ruma, nune’e jornalista bele halo kobertura ho livre.
Ikus-liu, Nia dehan, AJORSTIL mos iha vizaun ida prontu atu sai parseiru ho fedarasaun sira desportu seluk inklui FFTL karik husu tulun ba AJORSTIL, nune’e akontesimentu hanesan labele repete iha futuru. Emj15
