Labarik Ida Mate no Nain Rua Tama Hospital Kauza Han Ikan Buntal (Ulur Api)
Naunil Meida (Lautém), Tersa(12/01) ne’e, iha aldeia Tenu, suku Parlamentu, postu administrativu Lautém, akontese Leonel Fernandes (9) mate no nain rua seluk, Raul Dos Santos (47) no Armanda Da Cruz (54) lori halai ba Hospital referral Baucau, hafoin han ikan ‘Buntal’ ka Ulur Api (lian maternal fataluku).
Komadante PNTL Munisipiu Lautém, Superintendente Polísia Antonio Rego Fernandes, haktuir krolojia akontesementu, peskador nain rua iha ba peska iha tasi area tenu, kaer ikan ‘Buntal’ rua ho modelu variable ka la hanesan.
“Hafoin peskador nain rua fahe ba malu ikan, lori ba uma ida-idak hodi konsumu, PNTL identifika ema nain hitu mak lanu, ida mate no nain rua mak kondisaun grave nune’e tranfere ona ba Hospital referal Baucau”, Superintendente Polísia Antonio Rego Fernandes, ba jornalista sira iha kna’ar fatin, Kuarta (13/01).
Komandante PNTL Munisípiu Lautém, Superintendente Polísia Antonio Rego Fernandes, haktuir liu-tan Leonel hakotu vida hafoin konsumu ikan Buntal ne’ebe sona maran, maske konsege lori ba Sentru Saúde Lautém maibe lakonsege salva.
Iha sorin seluk, Doutora Sabina Noezia Da Gloria, informa pasiente sira seluk mak kondisaun ladun grave, fila ona ba uma ida-idak.
Família matebian deskorda atu halo aotopsia, no prefere haloot mate isin tuir lisan Lautém. Latu
