SEKOMS-Koordena ho Administrador Munisípiu Aileu Dezenvolve Media Lokal
Naunil Media (Aileu), Sekretáriu Estadu ba Komunikasaun Sosiál (SEKOMS), Merício Juvinal dos Reis “AKARA”, hala’ó sorumutu ho Administrador Munisípiu Aileu, João Tilman do Rego, hodi koa’lia kona-ba koordenasaun servisu oinsá dezenvolve media lokal iha minisípiu refere.
“SEKOMS iha diresaun foun, Diresaun Nasionál Dezenvolvimentu Promosaun Media Lokál-DNDPML, hakarak desentraliza servisu media nian, nune’e atividade sira ne’ebé la’o iha munisípiu la depende ba media nasionál, nune’e hakarak dezenvolve media iha munisípiu hodi halo kobertura bele distribui notísia ba iha nasionál” hateten “AKARA”, tersa-feira, (16/02 iha sala reuniaun Administrasaun Aileu.
Nia hatutan SEKOMS mós husu ba Administrador Munisípiu Aileu, atu kolabora servisu hamutuk hodi diversifika meius komunikasaun iha munisípiu Aileu.
Hatan ba ida ne’e, Administrador Munisípiu Aileu, João Tilman do Rego, apresia no prontu atu kolabora ho SEKOMS hodi dezemvolve media lokal.
”Ha’u sente kontente ho planu programa servisu ne’ebé SEKOMS halo hodi dezenvolve media iha munisípiu” hateten lider lokal ne’e.
Nia hateten ho dezemvolvimentu media lokal, bele hafasil liu tan informasaun ba komunidade sira.
Iha sorumutu ne’e, ko’lia mós kona-ba oinsá planu tau orsamentu ba infraestrutura, atu harii media ba munisípiu.*/DMS
