Krize Myanmar Ho Sahara PR Lú Olo Konvida Horta Hodi Rona Opiniaun

Naunil Media (Dili), Prezidente Repúblika (PR) Francisco Guterres Lú Olo konvida Eis Prezidente Repúblika José Ramos Horta, hodi husu opiniaun kona-ba krize internasional husi Nasaun Myanmar ho Sahara.

“Sr Prezidente da Repúblika konvida ha’u mai iha ne’e para enkontru oan ida tanba Prezidente Repúblika hakarak rona ha’u nia informasaun ruma opiniaun kona ba problema internasional balun liu liu problema Myanmar tanba ne’e ita nia reziaun problema ida ne’ebé halo ASEAN preokupadu nakdoko tanba Myanmar rai ida importante kuaze 60 milioens fronteira ho rai barak” dehan eiz Lider Diplomata ne’e hafoin remata enkontru ho Prezidenti repúblika iha Palasiu Prezidensial Nicolao Lobato tersa (30/03/2021).

Laureadu Novel da Paz hanesan mos Eis Prezidente Repúblika Timor-Leste ne’e hatutan nia koñese di’ak problema Myanmar nian,tanba uluk sei membru VII Guvernu nu’udar Ministru estadu konseleru nasionál mós nia bá iha nasaun refere.

“Prezidente Repúblika hatene problema Myanmar ne’e ha’u koñese di’ak ha’u rasik mak uluk dezenvolve relasaun ho movimentu demokrasia nu’udar Eis Prezidente ha’u ba Myanmar dala hira hasoru señora Sung Si dalabarak nia mak konvida telefone husu ha’u nia opiniaun ha’u ba iha ne’ebá durante VII Guvernu nu’udar Ministru do Estadu Konseleru Siguransa Nasionál ” Horta deklara.

Premiadu Nobel da Paz ne’e hatutan golpe militár ne’e kondenadu husi Indonesia inklui Malasya. rai rua ne’ebé demokrasia iha sudeste aziatiku rai rua ne’e mak hanesan demokrasia dinámiku liu Prezidente Jokowi mak halo inisiativa hodu dudu ASEAN halo buat ruma tanba buat ne’ebé akontese agora dadaun iha Myanmar Timor-Leste labele nonok.

Iha enkontru líder Nasionál nain rua ne’e mós ko’alia kona ba problema Sahara Osidental mesmu sira dook husi Timor-Leste maibé sira nia problema hanesan ho Timor ne’ebé hahú iha 1975.
“Asuntu seluk mós Internasionál ami ko’alia kona-ba problema iha Sahara Osidental bele ke dook tebetebes husi Timor-Leste iha Áfrika ne’ebá mas problema hanesan mós Timor-Leste problema ne’e hahu iha 1975 entre Maroko ho Sahara i iha sudeste aziatiku ne’e Timor uniku pais ke rekoñese Repúblika Saharawi iha enbaxada ida iha ne’e ami ko’alia mós ida ne’e oinsá bele Timor akompaña tau matan nafatin”nia tenik.

Nune’e Iha tempu badak Prezidente Repúblika sei deklara lia fuan ruma direitamente kona-ba krize ne’ebé akontese iha Rai rua ne’e. Maibé antes ne’e mós Ministeriu Negósiu Estranjeiru halo ona Komunikadu ida nu’udar xefe estadu.*jos