Lere Apela Timor-oan Tenke Tau Atensaun Ba Moras Covid-19 Iha TL

Fahe Tutan

Naunil Media (Díli), Tenente Jeneral Falintil Forsa Defesa Timor-Leste (F-FDTL), Lere Anan Timur, apela ba  Timor-oan tenke  atensaun ba moras  Covid-19 iha Timor-Leste (TL) tanba virus ne’e perigu iha nasaun seluk hamate ema barak. 

Tenente Jeneral Falintil Forsa Defesa Timor-Leste (F-FDTL), Lere Anan Timur ba jornalista sira hafoin enkontru regular ho ho Prezidente Republika (PR), Francisco Guterres ‘Lú Olo’,  iha Palasiu Presidensial Nicolau Lobato,  Bairru Pité, kuarta (21/04).

“Virus Corona ne’e hamutuk ho ita atu ba tinan Rua ona ne’ebé ita moris hamutuk ho korona hanesan malaria, tuberkolozia. Maibé  korona ne’e lai iha ita atu kura maibé nia ai-moruk kura mak prevensaun deit”, dehan Tenente Jeneral Lere.

“Tanba ne’e mak Hau husu ba joven sira   atetude ne’ebé mak  hatudu iha Suai, Same no  Lospalos moras ne’e seidauk kona ne’e mak ita teberani ne’e. maibé  buat ne’e mak ita laprevene la toma medias kuandu moras ne’e mak kona ita bele lakon ita-nia família sira depois ita mak arepende”, Tenent Jeneral ne’e informa.

Tanba  ne’e nia   apela nafatin ba joven sira no ba Timor oan hotu-hotu tau komsiderasaun ba situasaun Covide 19 ne’ebé iha mundu amate ema barak.

Alende ne’e nia informa,  menbru Falintil Forsa Defesa Timor-Leste (F-FDTL) no Polísia Nasionál Timor-Leste (PNTL) baku joven ne’e konsidera  sala  tanba saida mak baku.

“Ha’u hanoin katak F-FDTL no PNTL mós iha nia fen no iha  oan,   depois  sira mós hanoin sira nia oan nia moris, halo nusa para sira nian oan labele  hamhla, no labele moras, dala ruma balun bee tama sira nian uma tanba sira hakarak serbi Estadu no governu. Tanba  ne’e mak Hau husu ba imi lalika proboka kuandu sira hala’o sira nian kanar, sira baku tanba buat sala ruma”, nia haktuir.

“Ha’u haruka komandu Haruka ona relatóriu mai  para Hau bele estuda analiza. Se nia sala ga, nesesidade iha razaun atu baku nian, tanba ne’e mak ha’u husu ba komunidade no joven sira lalika proboka”. Tenik Lere. Pau

Leave a Reply

Your email address will not be published. Required fields are marked *