KEUPAR Husu MOP Hadia estrada liga ba Remexiu
Naunil Media (Díli), Portavoz Klibur Estudante Universitáriu Postu Administrativu Remexio(KEUPAR), Luisa Fernandes da silva husu, Ministériu Obras Públika (MOP) hadia estrada liga husi munisípiu Aileu ba postu administrativu Remexiu ne’ebé kotu totál impaktu husi inundasaun ne’ebé akontese iha loron 4 fulan Abríl 2021.
Tuir Portavóz KEUPAR Luisa Fernandes da silva, MOP no instituisaun Gestaun Ekipamentus Impreza Públika (IGE-IP) atu bele tau konsiderasaun sériu ba estrada ne’ebé kotu totál presija hadi’a lalais estrada hodi komunidade sira bele asesu fali dalan ho normal.
“Ami husu atu hadi’a lalais estrada ligasaun postu administrativu Remixiu ne’ebé hetan estragus totál momentu iha inundasaun ne’e, atu nune’e komunidade sira bele asesu fila fali dalan refere hodi buka moris hanesan baibain” Dehan portavos KEUPAR Luisa Fernandes, ba jornalista sira iha kampus UNTL, tersa (27/04).
Administradór postu Remexiu Jacinto Mendonsa haktuir, hato’o ona karta ba administrador munisipiu Aileu i no mós obras publiku Munisipiu no sira ba ona peskiza maibe too agora dalan ne’e seidauk hadia.
“ami hato’o ona proposta ba administrador munisipiu aumesmu tempu obras publiku munisipiu nian i liga direita ba IGE-IP Nasionál no sira mai survei iha loron 12 fulan abríl, maibé sira hateten sira sei halo relatoriu ba prezidente IGE-IP hafoin mak sira bele fo fali info”, Dehan Jacinto Mendonsa liuhusi via telefone,Tersa ne’e.
Entretantu dalan ne’ebe kotu iha ba postu Remexiu fó impaktu tebes ba suku haat mak hanesan, suku Asumaululi, Tulatakeu, Liurai, no suku Faturasa, total populasaun hamutu 8,078 mil. Ipe