David Oferese Aplikasaun Mobile RSETL Gratuitaba MS
Naunil Media (Díli), Kompaña Bluston (KB) sidadaun Timor oan, David Montelão inisiativa oferese aplikasaun Mobile Registo Saúde Eletrônico Timor-Leste (RSETL) ba Ministeru saúde (MS), hodi asesu ba inforsaun saúde nian liuliu iha covid-19 iha Timor-Leste.
Tuir kompaña Bluston David Montelão, husi aplikasaun ne’e hanesan sistema registu saúde eletroniku, iha nia modolu iha sistema kuase 40-resin.
“Sistema registu Saúde Eletroniku ne’ebé kompleta ho nia modelu iha sistema kuase 40-resin tanba ita haree ba pandemia covid-19 ne’e kazu sa’e makas entaun ita hakarak dehan bele monitor tracking ba ema ne’ebé hetan ona vasina”, dehan kompaña Bluston, David Montelão ba jornalista sira, iha salaun Plasiu da Cinza, sexta (30/04).
Nia informa, husi aplikasaun RSTL hanesan sistema ida hodi halo monitorizasaun ba ema ne’ebé mak hetan ona vasina ba Covid-19 nian.
“Sistema ne’e bele halo monitorizasaun ba ema ne’ebé hetan ona vasina depois ema ne’ebé mak hetan ona vasina ita labele. Entaun nia simu dosis primeru depois nia mós tenke simu dosis segunda agora ita la iha tracking oinsa mak ita bele buka tuir populasau ne’e nia iha ne’ebé no nia haluhan tiha la mai simu dosis segundu”, nia informa.
Nia afirma, prevensaun la’o ladun diak entaun mediku sira bele buka tuir sira husi aplikasi ne’e ba sira nia fatin manda sms ba sira para sira bele mai fali simu vasina segundu.
David dehan, husi aplikasaun RSETL ne’e bele fasilita ona pasiente sira la presiza ona ba Sentru saúde atu koalia ho ema sira registru nian, maibé hatudu de’it sira nian nomor bele ajuda sira rasik atu hasoru Doutor sira. Ivo/ipe
