Kazu Covid-19: Rejista tan Pozitivu Foun Na’in-129

Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo, informa ekipa Sala Situasaun Sentru-Integraddu Jestaun Kreize (SS-CIGC- sigla Portugés) kazu Covid-19 rejista tab pozitivu foun hamutuk na’in-129 ne’e kompostu husi mane 89 no feto 40.

Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo asuntu ne’e Naunil Media asesu liuhusi karta nota komunikadu husi SIJK, tersa (04/05).

“Dadus jerál iha Timor-Leste tomak, azu detetatu foun ne’ebé relata iha dia 4 de Maio 2021: 129 (iha Dili 102, iha munisipiu seluk 27), Husi total kazu detetadu foun ohin: mane 89, feto 40, Husi total kazu detetadu foun ohin, hirak ho idade tinan <12: 2; ho idade entre tinan 12-59 nain 124 (96,1%); ho idade >60: 3 Husi total kazu detetadu foun ohin: asintomátiku 76,7% no Husi total kazu detetadu foun ohin, 56 (43,3%) maka deteta pozitivu tamba halo teste ho razaun atu halo viajen/ka halo ona viajen ba Munispiu ka ba estranjeiru”, dehan Rui.

Total kazu konfirmadu kumulativu iha loron 4 Maiu 2021 (sura husi 21 Marsu 2020) 2653, Kazu rekuperadu ne’ebé ralata ohin loron 4 Maiu 2021 na’in 69 no Total kazu ativu ohin, dia 4 de Maiu 2021 na’in-1315.
Husi horiseik mai ohin, loron 4 Maiu, hamutuk hotu Laboratóriu Nasionál Saúde halo 1005 testes PCR iha Díli, ho detalles hanesan Vijilánsia sentinel 62, Rastreiu ba kontaktu (Contact tracing) 104, Rastreiu Aleatoriu (Random Screening) 348, Viajen sai husi serka sanitária Munisipiu Dili 422, Viajen internasionál 39, no Follow up iha kuarentena: 30.

Total testes PCR ne’ebé halo horiseik dia 3 de Maiu iha Munisipiu sira seluk hamutuk 464, ho detalle hanesan Baucau 163, Ermera 53, Maliana la iha, Maubisse 133, RAEOA 11, Suai 62, Viqueque 42 no Teste follow up ba sira iha fatin izolamentu 94 (70 negativu ona, 24 sei nafatin pozitivu).

Evolui surtu COVID-19 iha munispiu Díli, Munisipiu sira seluk no mós RAEOA surtu ida ninia evolusaun, no mós surtu ne’e aumenta ka diminui, indikador ida ne’ebé matenek-nain epidemiolojia nian uza, maka insidénsia. Konvensionalmente insidénsia sukat total kazu foun, kada loron, pur 100 mil habitantes, no hatudu risku ne’ebé populasaun iha atu hetan da’et moras ida.

Nia dehan, husi izolamentu loron 4 Maiu 2021, izolamentu Vera Cruz halo tratamentu ba kazu detetadu nain 21. Iha área obstetrisia nain 5, medisina interna nain 11, pediatria nain 5.

a. Sira nain 5 iha obstetrisia, kategoria moderadu hotu, sira nia kondisaun estável.
b. Sira nain 11 iha medisina interna, 4 grave (uza hotu oksijéniu), nain 7 moderadu.
c. Husi kazu 5 pediatria, 4 moderadu, 1 grave. Nain 1 grave uza CPAP, no 4 moderadu la uza ona oxijéniu.
d. Koluna kór verde hatudu númeru kazu moderadu no grave ne’ebé baixa kada loron iha Vera Cruz.
e. Liña azul iha gráfiku hatudu kumulativu kazu moderadu no grave ne’ebé baixa iha Vera Cruz.

Informasaun adisionál husi SIJK, hahú loron 1 Maiu de 2021, ekipa Saúde na Familia (SnF) iha Munisipiu Dili, hala’o Sentinela Ativa (Active Case Finding) hodi buka tuir no deteta kazu pozitivu iha bairru no aldeia iha Dili laran, ne’ebé deteta kazu pozitivu barak iha semana 2 ikus. Iha loron 3 nia laran (1 -3 de Maiu):

Ekipa SnF foti hamutuk 201 amostras, halo Rapid Antigen Test, hafoin konfirma ho teste PCR, Husi 201 amostras ne’ebé rekolla iha loron 3 nia laran, iha 20 maka pozitivu, ka hanesan ho 9,9% (konsistente ho taxa prevalénsia ne’ebé fo’o sai ona loron hirak liu bá), Sira ne’ebé pozitivu iha opsaun 2: halo izolamentu iha fasilidade ne’ebé Estadu prepara, ou halo autoizolamentu, wainhira sira nia uma prienxe kondisaun minimu. Ekipa SnF ho lider komunitáriu sira maka monitoriza no halo fiskalizasaun ba kumprimentu regra autoizolamentu.

Nia informa, kipa SnF iha Munisípiu Dili sei kontinua servisu hodi implementa mekanizmu Sentinela Ativa/Active Case Finding iha bairru no aldeia sira.

Nia apela, ba populasaun iha TL tu’ur hakmatek, kumpri ho rigor regra serka sanitaria no konfinamentu domisiliáriu ne’ebé Konsellu Ministru deside ona implementa hahú da 30 de Abril. Husu atu hotu-hotu kolabora ho autoridade saúde sira hodi bele buka-tuir ema hotu ne’ebé hetan da’et ona virus ne’e, no izola husi ema ne’ebé seidauk hetan da’et tutan no kumpri regra prevensaun covid-19. Ipe