Komunidade Atabae: Difikulta Kondisaun Estrada, Be’e Mo’os, Inklui Eletresidade.

Naunil Média (Bobonaru), Komunidade sira iha Munisipiu Bobonaru, Postu Administrativu Atabae, Suku Atabae, Enfrenta problema kondisaun estrada bainhira atu lori produtu Asesu ba Merkadu, difikulta mos problema be’e mo’os, iklui enerjia eletresidade.

“Problema ne’ebé ami hasoru primeru estrada ladiak, Bainhira tempu udan susar tebes komunidade sira atu lori sira nia produtu ba merkadu, Maibé tempu bailoron sei diak oituan,”dehan xefe suku Atabae Paulino Malibere ba Jornalista sira iha Aldeia Helesu, Quarta (12/05).

Nia haktuir katak, Komunidade suku Atabae la’os enfrenta deit problema estrada, Maibe eletrisidade mos komunidade maioria mak seidauk asesu, Sira tuku kami’i hodi hatu’ur nia naroman bainhira iha tempu kalan.

Sefe Suku Esplika, Komunidade Atabae 75% mak durante ne’e seidauk asesu ba dezemvomvimentu iha era ukun rasik an ida ne’e.

Relasiona ho preokupasaun ne’e nia husu ba Ministru Agrikultura é Pesca (MAP), atu hato’o komunidade nia halerik ne’e iha enkontru konselhu Ministru. 

Iha suku Atebae iha Aldeia lima, Ho  Populasaun hamutuk 2.520. Ivo