PNUD Sei Apoiu MI ba Futuru iha Área Dezastre Naturál
Naunil Media (Díli), Xefí United Nations Development Programme (PNUD sigla ingles) Munkhtuya Altangerel, hateten PNUD sei apoiu Ministeiru Interior (MI) iha futuru liu liu iha área dezastre naturál nian.
“Haksolok hasoru malu ho Vise-Ministru Interior, Antonio Armindo no ohin ami halo diskusaun kona-bá apoiu estratejia balu área parseria nian, liu-liu kona-bá atu mellora redusaun risku dezastre, jestaun risku dezastre naturais no sistema alerta sedu no oinsa mak ami bele apoiu Ministeriu Interior liu hosi Sekretáriu Estadu Protesaun Sivil (SEPIS”, Hateten Xefí PNUD Munkhtuya Altangerel ba jornalista sira hafoin audensia ho Vice Ministeriu Interior Antonio Armido iha Ministeiru Interior, sesta (21/05).
Nia hatutan, importante duni halo diskusaun ho instituisaun relevante seluk, hodi halo preparasaun ne’ebé sustentavel hodi solusiona área hirak ne’ebé presija duni apoiu hodi nune’é sei lori transformasaun ba iha Ministeriu Interior.
“Atu iha mekanismu ida ne’ebé di’ak hodi halo preparasaun kona-bá jestaun atu hasa’e rezilensia komunidade hasoru no prevene dezastre naturál sira iha tempu udan”, Tenik nia.
Tuir Vice Ministru Interior (VMI), Antonio Armindo rekuñese presija tebes atu mellora kooperasaun institusionais ho parseria dezenvolvimentu sira, agradese ba tulun ne’ebé durante ne’e hetan husi PNUD no husu atu sira kontinua apoiu Ministeriu Interior iha futuru. Ana
