UNICEF, Esforsu Imprime Matéria ba Labarik, no Mata-dalan ba Professor
Naunil Media (Díli), Reprezentante United Nations International Children Emergency Fund (UNICEF) Bilal Aurang Zeb Durrani, Hateten sira sei esforsu hodi emprimi materia ba labarik sira no mós mata-dalan ba Professor sira.
“Ida ne’e mak esforsu ida ne’ebé ita halo to’o ohin loron, ita imprimi materia sira ne’ebé iha ba labarik sira no mós matandalan ba professor sira atu profesor sira bele uza atu hanorin labarik sira iha uma tamba duratne ne’e ita boot sira haree eskola hotu taka no profesór sira la hanorin”.dehan Reprezentante UNICEF Bilal Aurang Zeb Durrani ba Jornalista sira hafoin hasoru malu ho Prezidenti Repúblika (PR)Francisco Guterres “Lú Olo” iha Palásiu Prezidenti Nicolau Lobato, segunda (07/05).
Reprezentante UNICEF ne’e hatutan, tanba ne’e sira presiza atividades balun ne’ebé mak atu bele fó apoiu ba labarik sira, tuir prosesu atividade iha uma Material sira ne’e distribui liu husi Ministériu Edukasaun no mós liu husi Ministériu servisu edukasaun iha nivel distrital.
Bilal Aurang, hateten konektividade liña internet mós dadaun ne’e sai dezafiu maibé sira halo nafatin kontizasaun ba públiku no mós ko’alia ho fornesedor sira oinsá mak fó liña internet ne’ebé mak di’ak
“Ne’e mak dezafiu ne’ebé ita hasoru dadauk hanesan kona-ba konetividade internet ninian ne’ebé la’o la di’ak , mais ita halo nafatin konsetizasaun ba públiku no mós ita servisu nafatin ho media atu halo konsetizasaun nian, ita mós ko’alia ho telekom provider sira bele fornese internet ne’ebé di’ak no tuir peskiza ne’ebé hala’o husi Ministériu edukasaun ita hatene katak pursentu 60 husi estudante sira asesu ba programa eskola ba uma ne’e pelumenus sira haree loron ida dala-1”.Hateten Bilal Aurang
Nia informa, maibé pursentu 2 husi respondente sira mós hatete programa ba eskola ne’e mós util ou manfaat tebe-tebes ba labarik sira atu aprende iha uma dadaun ne’e UNICEF emprimi ona ba materia sira ne’e, halo video barak mak produs ona kona-ba programa eskola ba uma nian, hein katak buat sira ne’e hotu bele fahe i uza ba labarik sira hotu nia prosesu aprendisazen iha uma.
Nia dehan, tanba ne’e mak prezensa UNICEF nian iha Timor no mós oinsá atu halo esforsu servisu hamutuk ho Ministériu Edukasaun atu bele garante materia sira ne’ebé mak emprimi tiha ona ho video sira ne’ebé dezenvolve tiha ona atu bele to’o mós ba labarik sira ne’ebé iha area rural espesialmente sira ne’ebé moris ho difisiesia no mós UNICEF iha nia programa regular sira ne’ebé maka halo edukasaun nian sei hala’o liu husi kooperasaun ho Ministériu Edukasaun para garantia direitu labarik nian ba asesu edukasaun iha Timor-Leste.
Ikus liu, nia dehan ne’e hanesan inisiativa global ninian kona-ba edukasaun nian , nune’e UNICEF seidauk iha figura ida serteza to’o, maibé se karik ida ne’e hanesan sistema global ida ne’ebé luan tebe-tebes ida inklui 13 milloens ba programa sira inklui programa edukasaun ba uma.*Jos
