Lere: Kandidatura Ba PR Labele Depende Ba Ema Seluk
Naunil Media (Díli), Xefí Estadu Maior General das Falintil Forsa Defeza Timor-Leste (F-FDTL) Tenente General Lere Anan Timur, Hateten se karik kandidata aan ba Prezidenti Repúblika (PR) Primeiru mak tenke konfia ain rua no labele depende ba ema seluk.
“Ha’u kandidata aan depois mak se apoiu mak apoiu, Primeiru ho tenke konfia ho nia ain rua ne’e, ho labele konfia ema nia ain, se o konfia ema seluk nia ain, ho la la’o, konfia ho nia ain tuir dalan mak labele lori ai-tonka agora ita labele depende,” dehan Tenente General Lere Anan Timur ba jornalista sira hafoin enkontru ho Prezidenti Repúblika Francisco Guterres “Lú Olo” iha palásiu Prezidensiál Nicolau Lobato Bairru Pite, Sexta (14/01/22).
Tenente General hatutan, uluk funu mós hanesan nasaun sira seluk la fó apoiu, mós A Luta Kontinua Patria Morte Rezistir A Vencer ida ne’e.
Lere hateten, Se karik nia kandidata aan ba Prezidenti Repúblika mak nia sei pronunsia iha Ainaru, tanba Ainaru oan sira mak ohin loron nia moris.
“Ida ne’e uluk kedas ha’u dehan katak ha’u se karik ha’u kandidata aan ba Prezidenti Repúblika ha’u anunsia iha Munisípiu Ainaru tanba Ainaro oan sira laiha ha’u mós ohin loron laiha, tanba Ainaru oan sira mak ha’u moris ohin ha’u mai hamri’ik iha povu nia oin, forsa Armadas nia oin to/o ikus ne’e ha’u ba ona 70 anus saudozu Feraz ho nia alin sira laiha karik hau mós laiha”, katak Lere.
Nia mós fiar katak sé nia kandidata aan saudozu Feraz ho ninia alin sira ne’ebé mak mate ona hamutuk ho nia no povu Ainaru mós sei hamutuk ho nia.
Jornalista *Jos
Editór Lop
