UE-UNDP Entrega Ekipamentu Informatika ba CAC iha Konfinamentu Covid-19
Naunil Media (Díli), Embaizadór Uniaun Europeia (UE), Iha Timor-Leste Andrew Jacobs, Hateten UE no United Nations Development Programme UNDP entrega ekipamentu informatika nian ba Comição Anti-Corrupção (CAC sigla portugés) atu reforsa kapasidade dijitál instituisaun nian, iha tempu konfinamentu COVID-19.
“Iha tersa, Uniaun Europeia (UE) no Programa Nasoins Unidas ba Dezenvolvimentu (PNUD) entrega ona ekipamentu informátiku lubuk ida ba Komisaun Anti-Korrupsaun (CAC). Hodi reforsa kapasidade dijitál instituisaun ne’e nian, liuliu iha tempu ne’ ebé funsionáriu barak tenke serbisu dook husi uma”, Dehan Embaizadór União Europeia (UE), Andrew Jacobs ba jornalista sira liu husi karta Komunikadu imprensa, tersa (08/06).
Andrew Jacobs haktuir katak Ekipamentu Sira entrega Mak Laptop ruanulu resin lima, (25), adaptor multiportu ruanulu-resin-rua, (22) layar haat no UPS rua.
Nia hatutan, pakote Microsoft Office, sei uza ba instituisaun ne’e atu estabelese solusaun foun IT nian sira ba prevensaun no hamenus korrupsaun no garante kontinuidade ba ninia funsaun prinsipál sira.
Inisiativa ne ‘e halo parte ba dezenvolvimentu kapasidade institusionál no resposta ba COVID-19 iha Projetu Pro-PALOP. Projetu ne’e ninia objetivu mak atu hametin governasaun efetiva husi nasaun sira ne’ebe ko’alia lian portugés iha Áfrika no Timor-Leste, ne ‘ebé fahe kuadru lejizlativu ne’ebé hanesan. Ba CAC, projetu ne ‘e tulun dezenvolve Estratéjia Anti-Korrupsaun no kampaña divulgasaun hodi prevene korrupsaun, hamutuk ho apoiu husi ICT.
Nia dehan, CAC nu’udar instituisaun foun ida iha Timor-Leste (estabelese iha 2010) no iha papél ne’ebé aumenta hodi monitoriza rekursu estadu nian.
Aleinde instituisaun supervizaun sira seluk, CAC nia papél iha prevensaun no kombate korrupsaun subliña ona dezde aprovasaun Lei Anti-Korrupsaun iha 2020. Nune’ e, apoiu ICT konsidera tuir tempu no relevante tebes ba CAC.
Iha eventu ne’e, Embaizadór UE, Andrew Jacobs, ko’alia kona-ba importánsia husi CAC nia funsaun no mandatu prinsipál sira no apoiu ne’e nian “hanesan sinál klaru ida husi UE nia
kompromisu ba Estadu Direitu, transparénsia no fortalesimentu governasaun demokrátika no ekonómika iha Timor-Leste”.
Nia salienta PNUD iha Timor-Leste suporta ona CAC dezde faze inisiu hodi fornese treinamentu ba forsa servisu nian.
“PNUD nia apoiu ba CAC foin lalais ne’e foka liu ba aspetu prevensaun nian hanesan dezenvolve avaliasaun diagnóstiku anti korupsaujn nian no formasaun manual no hala’ o kampaña divulgasaun ba funsionáriu públiku no públiku UE fó mós apoiu ba CAC, nune’e mós ba instituisaun importante sira seluk atu tau matan ba transparénsia orsamentál, liuhusi programa apoiu nian ba Jestaun Finansas Públikas – PFMO, ne’ebé ninia objetivu mak atu reforsa kapasidade órgaun supervizaun orsamentál timoroan sira nian hanesan, CAC, PCIC, Parlamentu Nasionál, Inspesaun Jerál, Kámara Kontas, hodi garante katak sira bele hala’o sira-nia funsaun no mandatu ho forma independente. PFMO mós apoia meiu komunikasaun sosiál no organizasaun sosiedade sivíl nian sira”, Katak Embaizadór UE, Andrew Jacobs.
Ikus nia dehan, apoiu ekipamentu informatika ba CAC hanesan parte ida husi PROGRAMA ba konsolidasaun governasaun ekonómika no sistema gestaun finanças públicas no mós Países Africanos de Língua Oficial Portuguesa iha Timor-Leste (PALOP-TL). Ipe
