PR Horta Iha Espetativa Guvernu Konsentra Ezekusaun Orsamentu
Naunil Media (Díli), Prezidente Repúblika (PR) José Ramos Horta iha espetativa guvernu aktual konsentra ba ezekusaun orsamentu no lebele distraksi ho eleisaun 2023 tanba ezekusaun orsamental tenke la’o di’ak.
Kestaun ne’e hato’o husi Xefe Estadu ba Jornalista sira bainhira hala’o vizita ba Servisu Autonomia Medikamentu Ekipamentu Saúde (SAMES), iha Kampo Alor, Segunda (01/08).
“Ha’u nia espetativa mak ida ne’e, guvernu aktual labele distraksi ho eleisaun 2023 konsentra ba iha ezekusaun orsamentu tinan ida ne’e nian, ezekusaun orsamental ne’e tenke la’o diak iha 2023 guvernu halo dadaun tiha ona prioridades 2023 sei hatama orsamentu ne’e iha fulan Setembru, Outubru hahú diskuti iha Parlamentu aprovadu normálmente iha Dezembru depois iha fulan ruma para ezekuta orsamentu 2023,” dehan Xefe Estadu
Nune’e Prezidente Repúblika mós hateten ba guvernu katak Preokupasaun, klaru nu’udar polítiku sira sei fokus ba eleisaun maibé tenke kaer knaar ho didiak tanba orsamentu boot 2022-2023.
“Ne’e mak ha’u hateten ba guvernu ita nia Preokupasaun mak ida ne’e, klaru nu’udar ema polítiku sira sei fokus mós ba eleisaun mas ha’u husu mak ne’e favor kaer imi nia knaar didiak tanba ne’e orsamentu boot estadu nian 2022-2023,” katak Prezidente Repúblika
Horta esplika ekonómia difisil loos iha mundu la’ós Timor de’it tanba ne’e duni mak nu’udar PR rasik halo esforsu para tanen guvernu, maun boot Xanana mós horseik ko’alia, nia hateten Preokupasaun mak ida ne’e mantein dame iha rai laran husik guvernu avontade labele kria problema tanba situasaun Internationál difisil loos.
“Ita haree folin kontentor sa’e Ró ahi karga atu mai ne’e merkadoria difisil tempu badak ita muda ba Portu foun fulan Novembru mai ne’e, ne’e notisia di’ak ida Portu foun Tibar ne’e Standar Internationál aktividade seluk tan ke aktual guvernu halo tenke kontinua labele para, labele hanoin fali ba eleisaun 2023 entaun ezekusaun orsamental bele neineik,” esplika Horta*.Jos
