Lere Relata Assuntu Rua ba PR “Lú Olo”

Naunil Média (Díli), Xefe Estadu Maior das Falintil Forsa Defeza Timor-Leste (F-FDTL) Tenente General Lere Anan relata Assuntu rua ba Prezidenti Repúblika (PR) Francisco Guterres “ LÚ Olo” mak hanesan situasaun seguransa iha fronteira no Corona Virus

“Ohin ami nain rua señór Prezidente hasoru malu ami ko’alia pontus rua,  ida kona-b’a seguransa iha fronteira nian, ida kona-bá Corona, ita hatene ohin loron konsellu defeza Seguransa reniaun atu eztende tan estadu emerjénsia, i lori ona ba Parlamentu sen duvidas ke nesesidade ho situasaun Austrália situasaun Indonézia sen duvidas agora jestaun mais espesifiku konsellu Ministru mak sei deside”.dehan xefe estadu maior das Falintil Forsa Defeza Timor-Leste (F-FDTL) Tenente General Lere Anan Timur ba Jornalista sira hafoin enkontru ho PrezidentI Repúblika (PR)Francisco Guterres “Lú Olo” iha Palásiu Prezidenti Nicolau Lobato Bairru Pite, kuarta (30/06).

Tenente General Lere, hatutan mas situasaun kona-bá Corona ninian hatene iha informasaun iha Austrália agora dadauk lockdown fila fali, sira kuaze tama ona ba Situasaun normal, mas tanba kazu foun mosu entaun sira lockdown fila fali no kanselamentu ba movimentasaun ho buat sira ne’e hotu.

Lere mós hateten, Timor-Leste mós estadu emerjénsia antes governu hamamar tolera uituan kona-bá prevensaun, maibé populasaun komesa halo festa no misa.

“Ita mós hanesan ne’e ita estadu emerjénsia uluk governu dehan tolera ka fleksivel hamamar uituan kona- bá kestaun de prevensaun ninian entaun ita nia komunidade komesa la’o livre uituan konsentra halo festa halo misa ho buat sira ne’e hotu”.Lere hateten

LAT mós  esplika iha informasaun Indonézia i perigu liu fali uluk nian, Timor ne’e hanesan ne’e mai husi funu ka lae dehan bainhira situasaun di’ak ne’e dehan buat hotu-hotu di’ak, ne’e aventura mas bainhira situasaun aat ne’e subar dala ruma buka malu mós lahetan.

Nia afirma, Corona fou-foun ne’e dehan Corona mai ema mate, Díli mós komesa mamuk kareta mós la iha movimentu, hotu-hotu halai ba foho husu tuir sira ate sira mós lahatene ba subar iha ne’ebé, mas ikus mai mate tanba ida rua entaun komesa hanoin ida ne’e mak di’ak liu ne’e tenke prevene nafatin kona-bá situasaun Corona ne’e.

Nia mós husu liu-liu kona-bá kestaun protokolares saúde mundiál ninian, ikus mai labele arepende tanba ida ne’e lá’os hanesan moras baibain,   família ida mate so tinan lima neen mak ida mate fali ida ne’e lae ida ne’e família ida bele taka.

Maibé tuir nia katak komunidade sira konsiente labele hanoin hanesan Xina sira dehan katak mate latauk tauk mak kiak Timor ne’e laiha bele kiak mós labele mate ida ne’e problema, ne’e mak apela ba komunidade atu rona nafatin estadu nia orden estadu nia diretiva atu evita buat sira ne’e. *Jos