Vasina Astrazeneca A’at, PM Taur Hatun Despaixu Hodi Investiga
Naunil Media (Díli), Primeiru- Ministru (PM) Taur Matan Ruak, orienta parte kompetente atu halo investigasaun ba kazu vasina Astrazeneca a’at, tanba rai iha konjeladór ho temperatura a’as liu ho grau 10, iha Hospitál Nasionál Guido Valadares (HNGV).
“Primeiru-Ministru halo ona despaixu iha loron 06 Agostu, ne’ebé fó orientasaun ba Inspesaun Jerál Estadu no Organizasaun Mundiál Saúde (OMS), atu halo auditóriu no investigasaun kle’an liu atu hatene, tanba sa mak kazu ne’e akontese”, Dehan, Ministru Prezidénsia Konsellu Ministeru, Fideliz Manuel Leite Mangalhães iha sala plenária parlamentu nasionál,Teresa (10/08).
Nia hatutan, Daudaun ne’e parte rua ne’e halo hela serbisu investigasaun, hafoin iha rezultadu mak bele informa ba PN no públiku.
Iha fatin hanesan Ministra Saúde, Odete Maria Freitas Belo, Informa rekoñese vasina AstraZeneca balun a’at duni.
“Loos duni vasina AstraZeneca ne’e a’at bainhira ita hetan inundasaun, tanb informa vasina ne’e tau iha Hospitál Nasionál Guido Valadares ne’ebé tekníku informa parte eletrisidade mak ladún estável”, Informa nia.
Nia hatutan, Governu konsulta ona ho Organizasaun Saúde Mundiál, no empreza ne’ebé prodúz vasina AstraZeneca ne’e,
maibé laiha métodu ida atu halo teste vasina di’ak ou la’e, maibé deklara de’it katak bainhira vasina ida iha konjeladór mak a’at maka vasina hotu iha laran a’at.
“Ita akompaña ema lubuk ida mak simu ona vasina ne’ebé konjeladu, maibé laiha efeitu ruma ba sira nia isin, ninia efikásia maka laiha tanba konjela ona”, Katak nia.
Tanba ne’e mak, OMS husu atu komunika fali ba ema sira ne’ebé simu ona vasina konjeladu, atu bele hetan fali sira nia doze tuir mai, Dehan nia.
To’o loron 09 fulan Agostu, totál doze vasina ne’ebé fó ba ema ho idade 18 ba leten iha territóriu tomak hamutuk 429.983, kompostu hosi 317.936 (42,1%) simu ona doze dahuluk no 111.047 (14,7%) simu ona doze daruak.
Vasina ho tipu AtraZeneca hamutuk 370.370 no vasina ho tipu Sinovac hamutu 58.613, ho totál hamutuk 429.983. Ana
