Governu Aprova Dekretu Lei Rejime Remuneratoriu ba F-FDTL ho PNTL
Naunil Media (Díli), Governu Liu-husi Reuniaun Konsellu Ministrus aprova alterasaun Dekretu-Lei kona-ba rejime remuneratóriu FALINTIL-Forsa Defeza Timor-Leste (F-FDTL) nian, ne’ebé aprezenta husi Ministru Defeza, Filomeno Paixão de Jesus.
“Projetu ne’e, halo aumentu salariál besik 5% iha postu militār sira hotu-hotu no halo atualizasaun ba suplementu rumenatóriu sira.
Intervensaun lejizlativa ida-ne’e ho objetivu, atu hetan kareira militár ne’ebé atrativa liu ho kondisaun salariál ida tuir nia modernizasaun no profisionalizasaun husi Forsa Armada sira. Hakarak mós atu armoniza diploma ida-ne’e, ho proposta aiterasaun ba estatutu Militár sira F-FDTL nian” Dehan Fidelis Magalhaes iha Sala PCM, Palasiu Governu, Sexta,(24/09).
Nia hatutan, Governu mós aprova alterasaun, projetu Dekretu-Lei kona-ba Rejime Remuneratótiu husi Polisia Nasionál Timor-Leste nian (PNTL), ne’ebé aprezenta husi Primeiru-Ministru no Ministru Interiór, Taur Matan Ruak no husi Vise-Ministru Interiór, António Armindo.
“Ho projetu ida-ne’e halo aumentu remuneratóriu globál sira ho valór 5% husi remunerasaun baze no halo atualizasaun ba suplementu remuneratóriu sira, ho intervensaun lejizlativa ne’e, hakarak estimula membru PNTL sira ba prestasaun di’ak ida, iha kumprimentu misaun polisiál nian, atu dignifika no hasa’e profisaun”, Fidelis relata.
Fidelis esplika, aleinde ne’e, hadi’a remuneratóriu, halo tan ba armonizasaun sistema remuneratóriu PNTL nian, ho forsa seguransa sira seluk, ho hanoin aprosimasaun husi korrespondente nivél remuneratóriu ne’e. Ana
