ONG LM Lamementa Subsídiu estraordináriu la Tuir Prinsípiu Justisa Sosiál no igualdade

Nauni Media (Dili), Organijasaun Naun Governunamnetal (ONG), La’o humutuk  (LM), Preokupa ho maneira Implementasaun apoiu implementasaun apoiu sosial ne’ebe la tuir prinsipiu igualidade no justisa.

Nune’e ONG LM entrega karta nakloke ba Prezidente da Repúblika atu hatudu preokupasaun ho maneira implementasaun apoiu sosiál ne’ebé la tuir prinsípiu igualdade no justisa. Bazeia ba Alterasaun ba Lei 14/2020 kona-ba Orsamentu Jerál Estadu 2021 ne’ebé Prezidente de Repúblika foin promulga iha Loron (03/04), , Governu planu atu fahe subsídiu estraordináriu bazeia ba dadus sistema Seguransa Sosiál nian ho rezultadu katak sidadaun hotu-hotu sei la hetan apoiu ne’ebé hanesan.  Komunikadu Impresa ne’e, Naunil Media, Asesu iha media LM Tersa (04/05).

“Molok Parlamentu no Prezidente aseita ba polítika refere, LM entrega Submisaun ba Membru Parlamentu Nasionál no husu atu la uza sistema Seguransa Sosiál nudár baze ba apoiu sosiál”

Submisaun ida ne’e esplika katak la justu atu hametin dezigualdade liu husi fó apoiu boot liu ba sira ne’ebé hetan osan ona kompara ho ema ki’ik no kiak sira ne’ebé seidauk partisipa iha ekonomia formal. Tenik iha KI

Maski Alterasaun ba Lei 14/2020 fó oportunidade ba sira ne’ebé seidauk tama iha sistema Sistema Seguransa Sosiál atu halo rejistu, ne’e sei enkoraja ema atu la kumpre ho regras konfinamentu, fó risku ba ita nia komunidade, no fó todan ba povu. Karta ne’ebé Lao Hamutuk entrega ba Prezidente Repúblika iha dia 3 de Meiu dehan “Sistema apoiu sosiál la bele forsa ema atu hili ida husi sira nia saúde no sira nia direitu atu simu apoiu, no la bele enkoraja ema atu la kumpre ho regras konfinamentu.”

Peskizador La’o Hamutuk nian Celestino Gusmao Pereira dehan “bainhira hasoru situasaun sosio-ekonomiku ne’ebé grave no urjente, Governu la bele sakrifiika prinsipiu igualdade no justisa sosiál. Apoiu sosiál la bele diskrimina kontra povu ki’ik sira.”  

Tuir planu ba subsídiu estraordináriu, ida ne’e, montante subsídiu sei kalkula bazeia ba ema nia saláriu ka rendimentu.

“Babain Celestino Gusmao Pereira nota katak “Polítika ida ne’e bele hametin dezigualdade iha rai laran, liu husi fó apoiu boot liu ba sira ne’ebé hetan saláriu boot, kompara ho ema ki’ik ka sira ne’ebé simu saláriu mínimu. Objetivu husi apoiu sosiál mak atu ajuda povu sustenta moris, la’os atu hametin dezigualdade.”

Nudár alternativu, La’o LM fó sujestaun atu kalkula montante Subsídiu Estraordináriu bazeia ba númeru membru uma kain, laho referénsia ba ema nia saláriu ka rejistrasaun ho Seguransa Sosiál.

Tuir mai, LM husu mós atu inklui sira ne’ebé hela iha fatin aluga ka fatin ne’ebé independente husi família, hodi bele asesu mós ba subsídiu estraordináriu. Dehan Celestino

“Iha tempo susar hanesan agora, Governu presija foti medida no desizaun ne’ebé di’ak hodi garante bein estár povu hotu” Remata