Embaixador TL Nain Tolu, Hasoru Malu Ikus Ho PR, Antes Hala’o Servisu
Naunil Média (Dili), Embaixador Timor-Leste (TL), nain Tolu (3), ba nasaun designadu tolu, hasoru malu ikus ho Prezidente da Republika (PR), Francisco Guterres “Lu-Olo” antes deskola ba liur hodi hala’o sira nia servisu nu’udar embaixador TL iha nasaun tolu.
Embaixador nain tolu ne’e mak hanesan, Fracisco Miranda Braco, nu’udar embaixador TL ba Republica Mocambique, Juvencio de Jesus, nu’udar embaixador TL ba Thailandia, no Jorge Trindade, nu’udar embaixador TL ba Reinu Belzica.
Hafoin remata hasoru malu ho PR, iha Palasiu Prezidente Nicolau Lobato, Bairo Pite, segunda (08/11/), Nasaun tolu ne’e mós reprezenta kontinente tolu mak hanesan, kontinente Uniaun Europeia, Ázia no Áfrika.
Ami reprezenta kontinente tolu mak hanesan Uniaun Europeia estadu Béljika rua Azia iha Tailandia no ha’u husi Áfrika Mocambique.
” Ami iha reprezentasaun iha ne’e kontinente tolu kedas, ida kontinente Uniaun Europeia, Estadu Béljika , Azia Tailandia no ha’u husi Áfrika Mocambique”, tenik Branco
Nia esplika, nu’udar embaixadór servisu prioridade ne’ebé sei halo mak besik tan paizes da Lingua Portugues, (PALOP) nian ho TL, tanba desde tempu difisil sira hamutuk ho TL, iha prosesu luta libertasaun ne’e papel ida ne’ebé atu halo no buka interkambiu husi intelektuais sira, dosentes estudantes no sira atu nune’e bele koñese malu di’ak liu tan.
Nunee mós Embaixador TL, ba Tailandia, Juvencio de Jesus Martins, hatutan, sei kontinua servisu ne’ebé durante ne’e embaixadór sesante halo ona nune’e buka hadia no haburas liu tan liu-liu iha edukasaun
“Ita nia Embaixador uluk halo ona no ha’u buka atu kontinua no halo buras liu, importante iha area edukasaun, ema nia universidade mós didiak de’it no ita nia estutande sira mós uluk ba halo estudu iha ne’ebá balun gradua no agora sira nain sia mak iha ne’ebá,” haktuir nia.
Nia sei ba husu bele hasa’e tan bolsa estudu iha ne’ebá, no bele buka tan bolsu estudu ema nian iha ne’ebá fo ba ita nia estudante sira atu ba.
Embaixador TL ba Thailandia ne’e, Sei diskuti mos servisu rejionais barak maibe preoridade liu ba area edukasaun, Saude, ho area sira seluk.
” Ha’u ko’alia kona-ba bilateral ita mós iha Uneskap iha tema rejionais barak mak ita sei diskuti iha ne’ebá, maibé iha bilateral nia laran ne’e ha’u ba hare’e uluk estudu edukasaun, saude, turismu no agricultura ho sira sekuk,” dehan nia.
Iha enkontru ne’e Prezidente Republica, Francisco Guteres, mós fo Mensajen ba embaixadór tolu ne’e katak, tenke reprezenta estadu ho di’ak ho dignidade buka formas oi-oin atu halo aprosimasaun hodi país ne’ebé reprezenta ho país TL.*Jos
