Estudante UNDIL Joselino Husu Governu Kria Kondisaun Dignu Ba Artemoris

Naunil Media (Díli), Estudante Universidade Díli (UNDIL),  Fakuldade Direitu, Departamentu Siénsia Direitu, Joselino Costantino Pereira, Husu governu Timor-Leste kria kondiasaun dignu ba maluk sira husi artista artemoris.

“Asaun saida mak halo tenke tetu lai, tanba bele kria impaktu bo’ot ba joven sira, liu liu jerasaun tuir mai, tenke kria kondisaun ida ne’ebé mak dignu ba sira, hanesan moto artemoris katak se wainhira ho estraga arte ho moris mai la iha arte, presiza haree did’ak”, Dehan estudante Joselino Costantino Pereira ba Naunil Media liu husi via whatsapp, sesta (03/21).

Joselino hatutan, Hanesan joven ida haree ba aktus ne’ebé governu aplika ba maluk artista arte moris sira, aktus ida ne’ebé lakonsidera hanesan  umanidade,  tanba sira mós kontribui ba dezenvolvimentu nasaun Timor-Leste nian.

“Hatene katak nasaun Timor-Leste foin mak hahú ona ninia dezenvolvimentu, dala barak ko’alia mak joven mak autór prinsipal ba dezenvolvimentu Timor-Leste, joven mak lori nasaun Timor-Leste ba mundu internasional”, Nia argumenta.

Nia dehan, Presiza hatene artemoris joven lubuk ida mak inklina iha laran, ho kapasidade ida ne’ebé mak kreatividade oin-oin, sira bele lori Timor-Leste nia naran ba hamorin liu husi sira nia konhesimentu  no kreatividade ne’ebé mak sira iha.

Tuir lolos governu labele aprende hahalok sira ne’ebé uluk kedas lokonial halo no invajor sira halo ba  povu Timor, hahalok sira ne’e tansa tenke akontese nafatin, tanba sa mak labele  kria uluk kondisaun ba joven sira, Nia lamenta.

Kestaun kona-bá edifisiu iha fatin públiku sira ne’ebé mak estadu ida ne’e merese atu utiliza, fatin seluk sei iha, hanesan edifisiu ida ne’ebé mak iha área Caicoli nian, dadaun ema utiliza ba fatin faan motor, tanba sa mak ladezenvolve hodi utiliza, Nia Sujere.

“Laos katak fatin seluk labele uza lae, estadu iha kompetensia atu uza, hodi dezenvolve nasaun Timor-Leste, maibé tenke kria kondisaun ida ne’ebé mak dignu, ba artista artemoris sira, ita hatene katak joven lubun ida ne’e mós sai xavi principal ba nasaun ida nia dezenvolvimentu”, Nia esplika.

Ikus liu nia dehan, Estadu ida ne’ebé mak sai jerente ba makiza estadu ida ne’e, estadu mak xavi prinsipal, no hatudu mata dalan di’ak ba joven sira, sai fali autór prinsipal hodi kria fali autór prinsipal ba joven sira, tanba joven sira ne’e iha iha kapasidade no kreatividade atu  hamorin Timor-Leste nia naran iha mundu internasional liu husi arte, Nia hakotu. Lop