To’o Ona Rohan Mandatu Servidor F-FDTL “Lere Anan”

• 

• 

Naunil Media (Dili), Mandatu servidor ba Estadu Hosi Eis Gerilheiru aktual Xefe Estadu Maior FALINTIL-Forsa Defeza de Timor-Leste (F-FDTL), Nia mak Tenente Jeneral Tito da Costa, Ho naran revolusionariu “Lere Anan Timur, To’o ona ba rohan iha Instituisaun Estadu F-FDTL.

Eis gerilleiru ne’e hanesan servidor ba Povu no Nasaun doben Timor-Leste (TL), liu ona tinan 40 resin hahu hosi invazaun liman kroak Militar Indonesia to’o Timor-Leste to’o ukun rasik a’an.

Bainhira TL restaura nia independensia, membru Comite Central Fretilin (CCF) segunda jerasaun ne’e hatudu ona nia lealidade ba nasaun no puvu TL iha tinan naruk nia laran.

Atu tama periodu Eleisaun Prezidensial tinan 2022-2027, Tenente Jeneral Lere Anan Timur bodik ona karta rejignasaun ba Governu TL oinsa bele fila hikas ba vida sivil hodi kompete iha Eleisaun Prezidensial.

Ho sentimentu lealidade ba povu no nasaun doben TL mak Tenente Jeneral Lere Anan Timor hatudu ona ba povu iha tinan naruk nia laran, dezde inisiu hasoru invajor Indonesia iha tinan 1975 to’o Independensia.

Ho komitmentu Lere Anan Timur ho nia kompatriota sira hosi Frenti Armada tuba rai metin hodi luta to’o TL konkista nia vitoria mak indepedensia total no fo liberdade ba povu tomak.

Nune’e iha Loron (17/01/2022), Hafoin remata enkontru ho Prezidente Republika (PR) Francisco Guterres “Lu-Olo”  Iha Palasiu Prezidensial, Lere deklara bainhira rejigna a’an sei ba nia uma CCF hodi husu kartaun membru CCF nian.

“Ohin rejigna a’an aban hau ba hau nia uma CCF, Hei imi fo hau nia kartaun FRE EdTILIN nian, imi be tur iha ne’e direitu lahanesan ho hau, Tanba hau eleje Membru CCF iha hudi tahan okos, han hudi kain, han koto moruk nia tahan, mak eleje ami nain-9 ba CCF, nain-8 mate hotu ona hela hau mesak”, hateten eis gerilleiru komandante rejiaun ponta leste, Lere.

Basa Lere uluk asumi responsabilidade nu’udar Membru CCF bainhira Komadante da Luta Xanana Gusmao Re-Organiza funu iha loron (03/03/1981) kompromete takak direitu Lere ho sira seluk lahanesan.

Uniku Sobrevivente iha tinan 1981 ne’ebe sai membru CCF iha Funu laran no sei moris mak, Tito da Costa ho kodigo “Lere Anan Timur”, enkuantu sira seluk  laiha ona (mate). 

Besik to’o ona rohon iha vida Militar profesional ne’e hakarak fila hikas ba vida sivil.

Ho idade ne’ebe avansadu ona maibe Lere kompromete sei iha oportunidade atu sai Prezidente da Republika, ba konfiansa ne’ebe ezije hosi povu atu lori estabilidade, paz no justica ba povu tomak nudar xave ba dezemvolvimentu TL.

Lere Anan Timor, Ema ne’ebe brani ho karakter simplesidade, No hadomi duni povu doben TL, Liu hosi nia envolvimentu kontribuisaun luta ba TL, Nune’e mos iha ukun rasik, Nafatin kontribui ba dezemvolvimentu TL iha vida militar. Latu