UNDP Apoia orsamentu $4.4 CNE Dezenvolve Plataforma Dijital ba ELPRE
Naunil Media (Díli), Programa Nasoens Unidas ba dezenvolvimentu (UNDP sigla ingles) apoia orsamentu $4.4 ba atividades Comisão Nacional de Eleições (CNE) nian atu dezenvolve plataforma informasaun dijital ba Eleisaun presidensial (ELPRE) no komunikasaun kona-bá prevensaun Kovid-19 durante eleisaun bele lao ho di’ak.
Tuir reprezentante Prezidente UNDP iha Timor-Leste Munkhtuya Altangerel katak, Akordu ne’e liu husi parseria UNDP apoiu CNE nia atividade komunikasaun atu garante katak povu asesu ba informasaun, hanesan estabelese plataforma informasaun dijital no produsaun informasaun, edukasaun no komunikasaun, sei inklui mós formasaun kona-bá meus prevensaun COVID-19 ba pesoal CNE durante eleisaun.
“Partisipasaun demokrasia ne’e ko’alia mós kona-bá inkluzaun, tamba ne’e importante iha espasu ba partisipasaun, no Ami fiar katak akordu ida ne’e sei apoiu CNE atu kria kondisaun ba membru sosiadade oioin atu bele partisipa iha eleisaun prezidensiál mai”. Dehan Reprezentante Rezidente UNDP hafoin halo asina akordu iha Salaun Konferénsia CNE Colmera, Sexta (04/02).
Reprezentante rezidente UNDP haktuir, Projetu UNDP nian ne’ebe mak bolu covid resilient elections hetan finansiamentu husi governu Japaun tanba parseria ne’e espesial ka espesifiku tebes atu apoiu orgaun eleitoral sira hanesan CNE bele hala’o eleisaun iha tempu pandemia ne’e ho seguru no susesu.
“Ami espera katak ami bele ajuda iha siklu eleitoral ne’e tomak hanesan itla bele fó apoiu eleisaun presidensial depois eleisaun parlamentar, no mós suku tanba apoiu ne’e sistematiku kompresivu tebes ba apoiu ne’ebá mak UNDP fornese ba governu TL ka orgaun eitoral sira”, Dehan nia.
Enkuantu orsamentu ne’ebé mak UNDP apoiu ne’e kobre hotu konstrusaun ka projetu tomak ne’ebe halo Edifisiu CNE no STAE iha munisipiu tolu hanesan Aileu, Baucau, kovalima, laos deit ba akordu ne’e, nia esplika.
Iha fatin hanesanPresidente Comissão Nacional Eleições(CNE) Jose C. Belo Pereira katak, ohin hanesan tempu ne’ebé di’ak tebes ba CNE hodi realiza asina akordu kooperasaun entre UNDP ho CNE.
“Ami senti orgullu ho apoiu ne’ebe diak tebes ba orgaun eleitoral atu bele kompleta ita nia preparasaun liu-liu realiza eleisaun ne’e bele lao ho di’ak no iha informasaun ne’ebé di’ak ba ita nia soseidade sira ka eleitor sira ba partisipa eleisaun presidensial ho hakmatek no susesu”,Tenik nia.
UNDP apoia ba CNE atu bele fó eleitoral no bele organiza eleisaun ne’e ho di’ak, dehan nia. LTS
