Formadu 85 Hosi CCYC Asesu Ona Sertifikadu
Naunil Media (Dili), Ohin loron (11/02), Centru Comoro Child and Youth Center (CCYC), Distribui sertifikadu ba formandu na’in 85.
Jerente CCYC, Delio Mali Lopes hateten, formandus hamutuk 85 ne’e, hosi programa ha’at kompostu hosi, Lian Ingles hamutuk na’in-21, Lian Portugues na’in-20, Komputador nain-32, no LSBE hamutuk na’in-12.
” Programa ha’at ne’e, loloos ninia durasaun tempu fulan tolu, iha tinan kotuk la konsege finaliza, tanba hasoru hela situasaun pandemia, maibé ohin mak foin finaliza.” Dehan Jerente CCYC, Delio Mali Lopes ba jornalista iha Sentru CCYC, Sexta (11/02/).
Nia haktuir, Formasaun ba periodu 2021 ni’an hahu iha setembru, maibé ho situasaun inserteza barak mak mosu iha 2021, prejudika atividade sira ne’e, Nune’e ita dada to’o febreiru 2022 mak foin finaliza.
Iha sorin seluk Reprezentante Sekretariu Estadu Juventude no Desportu (SEJD), Moniz Gonsalves haktuir, parte governu kontinua nafatin, liga mos ba CCYC nia vizaun no SEJD nia vizaun hanesan, fo kapasidade ba joven sira ne’ebé mak tuir ona formasaun atu hadi’ak liu tan sira nia hahalok iha komunidade nia le’et.
Formadur sira ne’ebé tuir ona formasaun atu bele uza didi’ak manetek ne’ebé durante sira aprende iha kunu’a CCYC. LTS
