TL La’os Kusta Ema Ida “Lere” Promete Hakotu Impase Polítika Rai-Laran,

Naunil Media (Liquiça), Kandidatu Prezidente Repúblika 2022-2027, Jeneral, Lere Anan Timor, Informa, bainhira eleitu ba prezidente da Repúblika sei hakotu krize no impase polítika iha rai-laran tanba Timor Leste la’os ema ida nia kusta.

Kandidatu ho numeru soreteiu hato’o lia hirak ne’e, bainhira halo konsolidasaun iha postu administrativu Bazartete munisípiu Likisá, tersa (22/02).

Lere Anan Timur hateten, katak, povu Liquiça sei fo votus maioria iha Eleisaun Prezidensial agora ne’ebe sei realiza iha loron (19/03/)

” Ha’u sai Prezidente da Republika sei hakotu impasse polítika, tanba Timor Leste la’os ema ida mesak nia kusta,’’ Haktuir Lere.

Nia Afirma, iha rai Liquiça seia laiha dúvida iha loron eleisaun 19 de Marsu , husi dook matan dook siik ona iha Timor dúvidas ba munisipiu hotu, maibé iha Likisa fiar metin manan maioria iha eleisaun prezidensial agora. 

Tenke husik Xefe Estadu Maior Jeneral hakarak hili dalan ba Prezidente Republika.

“Ha’u tenke husik hau nia knaar xefe estadu maior jeneral hakarak hili dalan ba Prezidente Repúblika tanba hakarak halo diferénsia ho ha’u nia maluk sira seluk no mos hau sei hakotu impase polítika bainhira ha’u mak sai aman ba nasaun,” Deklara Lere Anan Timur.

Iha fatin hanesan Veterana Madalena Soares “Kasihan” Reforsa, Populasaun munisípiu Likisá hili ona maun boot luta nain sira ona, maibé Jeneral Lere Anan Timur seidauk, tan ne’e eleisaun agora tenke vota ba kandidatu Lere Anan Timur manan iha Likisá.

Ita hamutuk iha nee atu fo hanoin ba malu hodi apoiu ba ita nia maun boot Lere  atu servi nasaun ho povu ida nee ho diak, maibe labele hatene deit manan funu maibe la hatene oinsa atu lori timor nee ba oin,  tanba nee ita tenke hili no vota ba ita nia maun boot Lere Anan Timur,” Dehan Veterana Kasihan.

Nia Apela ba apoiante sira bainhira apoiu kandidatu Lere Anan Timur tenke vota mos ba nia nune’e Lere mak  bele manan maioria iha eleisaun Likisá. LTS