Armanda Berta: Povu Fó Fiar Sai PR Lori Progresu ba-TL
Naunil Media (Ainaro), Kandidatura ho númeru sorteiu 9 Armanda Berta dos Santos husi Partidu Kmanek Haburas Unidade Nasionál Timor Oan (KHUNTO) hateten, Povu fó fiar sai Prezidente Repúblika (PR) hakarak lori progresu bo’ot ba povu Timor-Leste.
“Sé karik imi fó fiar mai ha’u hodi eleitu ba prezidente Repúblika ba periodu 2022-2027, mak ha’u iha misaun no vizaun hametin paz, lori no progresu no prosperidade ba povu tomak nia di’ak”, dehan Armanda Berta dos Santos iha abertura kampaña iha munisípiu Ainaro, kuarta (02/03).
Berta hatutan, Atu alkansa progresu no prosperidade povu nian, presiza tebe-tebes ambiente ida ne’ebé iha paz, la iha paz sei laiha dezenvolvimentu nasaun lahetan hetan progresu.
Timor-Leste presiza polítika ida ne’ebé estavel presiza hametin polítika interna no externa ne’ebé di’ak ho dezenvolvimentu nasionál, dehan nia. “Iha komprimisiu hametin estadu demokrátiku ho objetivu ida, bele korajen sai prezidente Repúblika fó hanoin nafatin ba governu, atu kria kondisaun ne’ebé di’ak ba orguaun soberania sira”, katak nia. Ana
