Xanana Fó Bensa Ba Ramos, Kay Rala Ho Kay Olo Fó Bensa Ba “Lere Anan Timur”
Naunil Média (Manatutu), Kay Rala ho Kay Olo mak sei fó bensa ba kandidatu Prezidente da Repúblika, Tetente Jenerál Lere Anan Timur atu sai Prezidente da Repúblika period tinan 2022-2027, atu marka diferensia.
“ Hau nia maun Xanana Gusmão mak fó bensa ba José Ramos Horta, Maibé Kay Rala ho Kay Olo mak sei fó bensa ba Lere Anan Timur. Kandidatu Francisco Guterres Lu-olo ho Marí Alkatiri mós sei lakon, tanba sira nain rua lisan lahanesan” Dehan Kandidatura Prezidente da Repúblika Jeneral, Lere Anan Timur, Iha abertura kampanã aberta iha Munisísipiu Manatutu, kuarta (02/03).
Kandidatura ho númeru sorteiu 8 ne’e haksolok tanba apoiantes hosi Partidu Frenti Revolusionariu Timor-Leste Independent ho Partidu Libertasaun Popular (PLP) ho sira nia bandeira.
“ Hau kontente bandeira Fretilin ho PLP iha ne’e maibé seida’uk kompletu, tanba Partidu Conselhu Nasionál Rezistensia Timorense (CNRT) laiha, Maibé kuandu bandeira hirak ne’e kompletu karik Timor mós bo’ot iha mundu nia klaran, Tanba Fretilin ho Falintil la hamutuk hanesan PLP ho CNRTL mesak maun alin uma lisan ida de’it, Bandeira ha’at ne’e mak hamutuk nasaun Timor bele ki’ik no ki’ak maibé bele foti ulun hanesan nasaun sira seluk,” Tenik Lere Anan Timur.
Lere alerta, Hau Fretilin nanis kedas la’os Fretilin 2000.
“ Hau Fretilin iha tinan 1975 halo kontinuidade ezistensia sai membru Comite Central Fretilin (CCF),-Organijasaun Nasionál eleje ami nain sia iha tinan 1981 nain walu mate hotu ona hela hau mesak,” Alerta Lere Anan Timur.
Nune’e númeru sorteiu 8 hamutuk ho Kay Rala ho Kay Olo tula liman ba Lere Anan Timur.
Númeru ne’e diferente liu númeru hot-hotu, baku fila mós nafatin númeru 8. Latu
