Fundadór JSU Husu Povu Tomak Suporta Kandidatu Ramos

Fahe Tutan

Naunil Media (Díli), Fundadór Joao Saldanha University (JSU) João M. Saldanha husu ba joven ferik, katuas iha Munisípiu sanulu resin-rua (12) inklui RAEOA atu suporta kardidatu husi maun boot Xanana Gusmão (XG) mak Kandidatura José Ramos Horta.

 Fundadór Joao Saldanha University (JSU) João Saldanha hato’o lia hirak ne’e ba Jornalista sira liu husi konferensia imprensa ne’ebé hala’o iha eis Hotel Dili, Lecidere, Domingo, (06/03).

“Laiha duvidas ho esperiénsia kandidatu José Ramos Horta nia kapasidade no esperiénsia ne’ebé iha tanba ne’e ho Maromak nia grasa no nia bensaun ha’u husu ba joven no ferik, katuas sira iha Munisípiu sanulu resin-rua (12) inklui RAEOA ne’ebé hakarak fiar ha’u rona ha’u nia hanoin atu ita hamutuk suporta kandidatu maun boot Xanana Gusmão ninian liu husi partidu CNRT José Ramos Horta”, dehan Fundadór Saldanha University

João Saldanha mós fiar katak kandidatu José Ramos Horta hetan konfiansa husi povu hodi Eleitu ba Prezidente Repúblika bele lori nasaun ne’e ba oin hanesan mós ho kandidatu nain sanulu resin-lima (15) sira seluk.

“Ita hein katak bele bainhira nia hetan konfiansa povu ninian bele lori nasaun ne’e ba oin kandidatu sira seluk mós konserteza lori maibé ba preferensia ne’ebé suporta husi CNRT ho maun boot Xanana Gusmão ba José Ramos Horta,” katak João Saldanha

Saldanha hateten, Razaun sira fó suporta ba kandidatu José Ramos Horta tanba iha esperiénsia lidera husi 2007-2012 sai Prezidente Repúblika servicu hamutuk ho Primeiru Ministru iha momentu ne’ebá Xanana Gusmão rezolve problema lubuk ida no iha ne’ebá mós moris ekonomia mais altu iha periodu ida ne’eba, depois ida ne’e haree ekonomia tun hela de’it

Nia esplika, Sira hakarak atu fo suporta ba kandidatu José Ramos Horta no husu mós ba militante Partidu Repúblikanu, estrutura tomak ne’ebé iha Timor laran tomak haree fihir didiak atu suporta José Ramos Horta.

Nia dehan, Momentu hasai deklarasaun sira ne’e hanesan individu Partidu Repúblikanu sira suporta ou lae maibé nia mós hakarak hateten katak servicu ne’ebé halo ne’e sira husi Universidade ninian maibé haree katak nu’udar Fundadór JSU no ida seluk mak hanesan partidu maibé nia hakarak hola pozisaun hanesan ema independente.

Sira mós hein katak eleisaun ne’e eleisaun ida ne’ebé la’o di’ak no hakarak mós fó kongratulasaun ba Kandidatura sira hotu, servicu di’ak no fó sorte di’ak ba sira nain sanulu resin-neen (16) hotu ne’ebé oras ne’e dadaun halo kampaña haleu Timor-Leste laran tomak, nia hakotu. *Jos

Leave a Reply

Your email address will not be published.