Halo Pintura Hodi Komemora Independensia TL ba Dala 20
Naunil Media (Díli), Vice Ministra Turismu Inacia da Conceção Teixeira informa, eventu pintura ida ne’e hodi komemora independensia Timor-Leste ba dala 20.
“ Ida ne’e eventu kontinuasaun ne’ebé mak ami hala’o kada tinan, ami hahú tinan ida liu ba bainhira hala’o iha selebrasaun krize mundial, maibé agora ami tenta hala’o ba iha komemorasaun 20 de Maio nian, ho komemorasaun ida ne’e ita bele komprende liu tan kona-bá Timor liu husi pintura no artistika nian, dehan Vice Ministra Turismu Inacia da Conceção Teixeira ba jornalista sira iha Licidere, Segunda 16/05.
Nia hatutan, Importansia husi eventu ida ne’e oinsa promove joven nia talentu iha arte, tanba ita hatene iha Timor joven barak mak hatene pintura, ne’ebé balu laba eskola mós sira iha matenek ida ne’ebé mak natural.
Liu husi pintura sira bele explora sira nia kreatividade sira ne’e, tinan liu ba ne’e ami halo iha Díli de’’it, maibé agradese barak ba organizasaun husi diresaun ida ne’e nian, no mós monisípiu sira mós bele partisipa, dehan nia.
Iha fatin hanesan Direitór Nasionál Promosaun Turistiku i Relasaun Internasional Antonio da Silva, hateten ita nia kompetisaun ida ne’e númeru partisipante nafatin sira ne’ebé konkorente ne’e nafatin, maibé grupu mak aumenta ezemplu uluk ne’e grupu 10 ho nia konkorente ne’e rua, maibé iha tinan ida ne’e grupu aumenta ba 20 kada grupu ida ita foti ema ida. Flo
