Molok Mandatu Remata “Lú Olo” Apela Sidadaun Hotu Orgullu Partense TL

Naunil Media (Díli), Prezidente Repúblika Francisco Guterres “Lú Olo” hateten molok Mandatu remata apela ba kombatente ida-idak no sidadaun hotu-hotu kaer metina nafatin no Orgullu partense nu’udar povu Timor-Leste (TL).

“Molok ha’u ramata ha’u nia mandatu, nu’ udar Prezidente Repúblika, ha’u hakarak apela dala ita tan ba kombatente ida-idak no ba sidadaun hothotu atu kaer metin nafatin onra no orgullu pertense ba Povu ida de’it no ba Rai ida de’it: Timor-Leste,” dehan Xefe estadu Francisco Guterres “Lú Olo” liu husi diskursu bainhira kondekora veteranu luta libertasaun nasionál, iha Palásiu Prezidensiál Nicolau Lobato Bairru Pite, segundan(16/05).

“Lú Olo” hatutan,  Iha faze libertasaun nasionál halakon kiak no haktuir justisa sosial presiza nafatin sentidu Partense nune’e ida-idak bele kontribui ba Timor-Leste nu’udar membru Partidu Polítiku ka Organizasaun sosial.

“Ba segunda faze libertasaun nasionál – halakon kiak no hatuur justisa sosiál, ita presiza tanen nafatin sentidu pertensa ida ne’e. Ita ida idak bele kontribui ba Rai ida ne’e, nu’udar membru partidu polítiku ka organizasaun sosiál ka relijioza nian ka ho kbiit rasik,” katak ”Lú Olo”.

PR esplika sidadaun sira labele lakon sentidu kolektivu nune’e halo de’it no hanoin mak di’ak hodi bele hadia vida maibé halo diferensa vida ema seluk nian, familia nian, komunidade no povu tomak nian.

“Maibé ita labele lakon sentidu koletivu, katak saída de’it mak ita hanoin no halo di’ak, la’ós hadi’ak de’it ita-nia vida maibé sei halo diferensa ba vida ema seluk nian, família ida nian, komunidade nian no Povu tomak nian,” esplika PR . *Jos