KM Aprova Atribui Diretu Alojamentu Ne’ebé Dignu Ba F-FDTL-PNTL
Naunil Media (Díli), Governu liu hosi reuniaun Konsellu-Ministrus ohin (Tersa 17/05) ne’e aprova ona projetu Dekretu-Lei ne’ebé aprezenta husi Primeiru-Ministru, Taur Matan Ruak, kona-ba atribuisaun direitu alojamentu ne’ebé dignu ba FALINTIL Forsa Defeza Timor-Leste (F-FDTL) iha servisu ativu no efetivu, no ba membru Polisia Nasionál Timor-Leste ( PNTL) sira.
Porta-voz Governu, Ministru Prezidénsia Konsellu Ministru, Fidelis Manuel Leite Magalhães, hatete Projetu Dekretu-Lei ne’ebé atribui direitu alojamentu ne’ebé dignu ba militár F-FDTL iha servisu ativu no efetivu no ba membru PNTL sira.
“Tanba razaun servisu nian, tenke muda ba atu hela iha munisípiu ne’ebé la hanesan husi ida-ne’ebé iha ninia hela-fatin abituál”, dehan Ministru Prezidénsia Konsellu Ministru, Fidelis Manuel Leite Magalhães, iha Palásiu Governu.
Nia afirma, direitu ida-ne’e konkretiza liuhusi instalasaun husi militár sira F-FDTL no militár FALINTIL-Forsa Defeza Timor-Leste, iha servisu ativu no efetivu, no membru sira PNTL nian ne’ebé.
tanba ne’e, razaun servisu nian, tenke muda ba atu hela iha munisípiu ne’ebé la hanesan husi ida-ne’ebé iha ninia hela-fatin abituál.
Nia salienta direitu ne’e sei konkretiza liuhusi atribuisaun uma estadu nian.
Nune’e mós Estadu bele disponibiliza uma sira ne’ebé pertense ba Estadu ka aluga uma ba ida-ne’e,”tenik nia. Ana