PM Taur : Lansa Fatuk Dahuluk Konstrusaun Marina Square Timor
Naunil Media (Díli), Primeiru Ministru (PM) Taur Matan Ruak, ohin halo ona lansamentu Fatuk dahuluk ba konstrusaun Marina Square Timor.
“Ho ksolok no satisfasaun bo’ot ohin loron ha’u partisipa iha serimónia lansamentu Fatuk dahuluk ba konstrusaun Timor Marina Square, ne’ebé konkretiza prioridade sira nasaun nian iha prátika no iha posibilidade hodi kumpre objetivu nasionál”, dehan PM Taur Matan Ruak ba jornalista sira hafoin lansa Fatuk dahuluk ba Konstrusaun Timor Marina Square iha Lesidere, tersa, ( 17/06 ).
Xefí ezekutivu ne’e hatutan, Ho projetu privadu ida ne’e finansia husi fundu internasionál, ne’ebé posibilita aparesimentu operadór ekonómiku foun ida iha setór turizmu nian.
Serimónia ida ne’ebé marka inísiu husi prosesu ida ba reabilitasaun urbana ne’ebé hala’o iha área importante ida ne’e, iha Largo Lesidere ho infraestrutura foun ida ne’ebé moderna , efisiente , sustentavel iha nível ekonómiku no ambientál . Tanba ne’e sei disponibiliza la’ós ba de’it servisu fó sira ba sidadaun , turista , investidór no emprezáriu sira ne’ebé vizita Timor-Leste liu husi hotél , restaurante , estabelesimentu komersiál no apartamentu sira, dehan Taur.
Iha fatin hanesan Ministru Koordenadór Asuntus Ekonómikus (MKAE) Joaquim Amaral informa, Konstrusaun Timor Marina Square ne’e reprezenta kreximentu no modernu ba nasaun Timor – Leste, Ho nune’e Governu investe $ 50 milliaun ba Konstrusaun refere.
“ho Kapitál investimentu millaun 50 ne’e investimentu puru, investimentu privadu , durasaun ba konstrusaun ne’e lori 30 meses , atu termina konstrusaun ne’e, hahú husi servisu fiziku iha terrenu “, releta Joaquim .
Ho ida ne’e Governu agradese ba Reprezentante Empreza Timor Marina Square S.A , no ba CEO ho Empreza ” A – Smart Holdings Ltd,Lim Huan Chiang , ba investimentu ne’ebé realiza iha Timor-Leste. Ana
