MAPKOMS Aloka $1000.080 ba Konstrusaun Edifísiu Foun Provizória RTTL,Ep
Naunil Media (Díli), Ministériu Asuntus Parlamentares no Komunikasaun Sosiál (MAPKOMS) aloka montante Um millaun oitenta e tal dólares (1000.080) hodi harii edifisiu provizória ba Rádiu Televizaun Timor-Leste (RTTL,E.p)
Ministru Asuntus Parlamentares no Komunikasaun Sosiál, Francisco Martins da Costa Pereira Jerónimo, hateten edifísiu provizória ne’e harii tanba haree ba situasaun real ne’ebé tempu udan sempre hamosu inundasaun iha fatin RTTL,Ep hodi estraga dokumentu sira, tan ne’e halo edifísiu provizoriu atu asegura sasán.
“Osan ba hariii edifísiu provizória ida para hein edifísiu foun aban-bainrua sei halo iha Aimutin”, Governante ne’e ba jornalista sira hafoin selebra asina akordu ho Kompanha Banin Lemar Unipesoal, Lda, iha resintu RTTL,E.p, Tersa (28/06).
Nia argumenta, edifísiu provizória tanba edifisiu permanente ne’ebé sei halo iha Aimutin sei la hotu iha tempu badak.
“Halo uluk provizória, sira halo serbisu lai pois edifisiu Aimutin hotu mak halo fali estudiu ruma ka ou depende ba fli estadu”, tenik Ministru ne’e.
Diretor ba kompanha Banin Lemar Unipesoal, Lda, Domingos Siquera, informa material uza hodi harii edifísiu sei mai husi Indonézia, tekniku no badaen sira mos sei mai husi Indonézia.
Edifisiu provizória ba RTTL,Ep ho medida naruk 30 no medida luan 15 ho andares 3. Ivo
