FEATUREDGeralIkus LiuNews

CNC Halo Desiminasaun Relatoriu Chega ba Membru UEP

Fahe Tutan

Naunil Media (Díli), Tersa (28/06) ne’e, Centro Nacional Chega!I.P lidera hosi Diretór Ezekutivu, Hugo Maria Fernandes fahe informasaun kona-ba papél Centro Nacional Chega!I.P, rekomendasaun Chega! no Per Memoriam Ad Spem ba komandante no membru sira hosi Unidade Espesial Polisia (UEP).

Objetivu hosi atividade ne’e mak Atu hasa’e sira nia koñesimentu, nune’e sira sensivel ba relatóriu Chega! no CVA nomós fahe informasaun kona-ba violasaun direitus umanus ne’ebé akontese durante okupasaun Indonézia ne’ebé komete hosi membru polísia no Militár Indonézia, nu’udar lisaun atu larepete tan hosi membru PNTL liu-liu ba Unidade Espesial Polisia (UEP) sira.

Iha atividade desiminasaun ne’e, hahú loke filme ho titulu “Resistir e Vençer”, no halo aprezentasaun materia hosi Diretór Ezekutivu ko’alia kona-ba justisa tranzitóriu iha Timor-Leste no Indonézia no entrega relatóriu Chega!, CVA no livriñu rekomendasaun Chega! no Sitíu Istóriku Munisipiu Dili nian ba Komando UEP, Orlando Gomes atu kontribui ba implemenasaun rekomendasaun chega! no CVA iha servisu fatin.

Enkuantu, atividade ne’e realiza iha edifisiu UEP Bairo Pite-Dili. Komando UEP, Orlando Gomes agradese Centro Chega! tanba fahe ona informasaun kona-ba papél Centro Nacional Chega!I.P, rekomendasaun Chega! no Per Memoriam Ad Spem nomós asuntu direitus umanus ba sira hodi hasa’e sira nia koñesimentu. Mj4

Leave a Reply

Your email address will not be published. Required fields are marked *