PR-PPN-PM Diskuti Situasaun Dramatika Iha Mianmar
Naunil Media (Díli), Prezidente Repúblika (PR), José Ramos Horta, Prezidente Parlamentu Nasionál (PPN) Aniceto Longuinhos Guterres Lopes, Primeiru Ministru (PM) Taur Matan Ruak diskuti agravamentu situasaun Dramatika Iha Mianmar.
“Prezidente Repúblika, Sr. J. RAMOS HORTA konvoka ohin reuniaun ida iha nia gabinete ho Prezidente Parlamentu Nasionál, Membru sira husi Komisaun B, no Primeiru Ministru hodi diskuti kona-ba agravamentu situasaun dramátika iha Mianmar,” dehan liu husi Komunikadu ne’ebé Naunil Média asesu iha palásiu Prezidensiál Nicolau Lobato Bairru Pite, Sesta (29/07).
Komunidade ne’e hateten Líder timoroan sira konfere deklarasaun unánima ne’ebé hasai husi Prezidénsia ASEAN no rezolusaun unánima husi Konsellu Seguransa ONU (CS-ONU) kona-ba exekusaun trájika no arbitrária ba sidadaun sivil nain haat, membru husi pró-demokrátiku Mianmar no mós Líder timoroan sira ne’ebé partisipa iha reuniaun ne’e elojia pozisaun husi dirijente ASEAN no husi (CS-ONU) nian no apoiu ho forma integrál deklarasaun rua ne’e.
Timor-Leste mós apela ba komunidade internasionál atu kontinua hakbiit esforsu tomak atu kontribui hodi hatuur hikas fali orden demokrátiku liuhusi diálogu ho parte hotu-hotu.*Jos
