PN Preokupa Krime Droga, Bele Estraga Joven Nia Futuru   

Naunil Media (Díli), Krime Droga ne’ebé agora dadaun espalla iha públiku, reprezentante povu iha  fukun Parlamentu Nasionál (PN) kontinua preokupa no husu Governu hodi foti medida emidiatamente ba  kestaun ida ne’e.

Tuir  Deputada Banakada Frente Revolusinariu Timor-Leste independensia (FRETILIN) Lidia Norberta dos Santos, nia parte lamenta tebes ba kazu Droga   mosu tan ona iha Timor-Leste, ne’e bele estraga ema hotu-hotu iha territóriu laran nia vida.

“Kona-bá kazu sira ne’ebé agora viral iha Televizaun no média online sira kona-bá kazu Droga Prezidente feto iha Grupu Parlamentár  lementa tebes ba kazu ida ne’e, hanesan inan ida preokupa, tanba Droga ne’e bele estraga joven sira nia futuru”, Dehan Deputada Lidia iha sesaun plenaria iha uma Fukun Parlamentu Nasionál (PN) Tersa (16/08).

 Deputada husu ba parte kompotente  atu haree kazu sira ne’e, hodi buka rezolve to’o nia huun. Tanba kazu Tranzisaun droga ne’e  perigu tebes no bele estraga ema hotu-hotu nia vida.

“Uluk foti kestaun ida ne’e ezemplu hanesan Grupu motor, Motor ne’ebé mak bele tama tuir lintas batas, sira kuandu tama motor ne’e ema la periksa , entaun ita la hatene  iha motor nia laran sira lori saida ita la hantene”, Deputada Lidia Imforma. 

Deputada hatutan, Iha lista Amérika nian Timor-Leste sai hanesan zona perigu,Tanba iha trafiku Droga no Trafiku Humanu, maibé  situasaun ida ne’e governu hadia tiha ona, depois iha semana kotuk simu tan dokumentu TL tama ona iha Grupu segundu, ida ne’e riksku bo’ot  ba sidadaun hotu-hotu iha rai ida ne’e,Tanba ne’e deputada husu ba parte relevante atu haree problema ne’e ho seriu.

Iha fatin hanesan Deputadu  Bankada Congresso Nacional Recostrução Timorense (CNRT)  Patrocinio Fernandes hatete,  Nia parte mós preokupa ba problema Droga espalla ona iha públiku, maibé Governu seidauk hola desizaun hodi haree situasaun ida ne’e.

“Preokupa ho problema Dorga ohin deputada Lidia Foti, preokupa liután bainhira prosesu tribunal hola desizaun ba liberta fali ema sira ne’e ho estatutu de tir. Maibé prontu ne’e desizaun tribunal,    tanba sira mak hatene lei no interpreta artigu ba buat sira ne’e”,  Deputadu Patrocinio preokupa.

Patrocinio dehan, Trsite tebes  la hatene justisa Timor-Leste ba ne’ebé, Tanba Droga ne’e buat ida ameiasa bo’ot tebe-tebes ema hotu-hotu nia vida no joventude sira nia futuru.

Tanba ne’e  husu Polísia Sientifiku Investigasaun Kriminal(PSIK), Polísia Nasionál Servisu Investigasaun Kriminal (PNSIK), Miniteiriu relevante tenke tau atensaun seriu ba situasaun sira hanesan ne’e, para bele haree didiak,  kazu Droga hanesan ne’e tenke prosesu ho transperensia hodi povu tomak bele akompaña, hakotu nia. Gyor