PM Taur:  Lansa  Distribuisaun Material UKL +B Iha Metinaro

Naunil Média (Díli), Primeiru Ministru (PM) Taur Matan Ruak partispa iha serimonia lansamentu distribuisaun materiais ba konstrusaun ‘Zinku’ uma kbiit laek plus B (UKL+ B) iha Postu Administrativu Metinaro, Munisípiu Díli.

“Ha’u nia agradesimentu ba Ministeiru Administrasaun Estatal (MAE) ho vise Ministru, ha’u kontente loos ba primeira vez ha’u partisipa iha lansamentu Uma Kbiit Laek (UKL)+ B, tanba MAE ho Vise MAE  ho nia ekipa tomak intende polítika VIII governu nian, no aplika di’ak loos ema apresia makaas”, dehan PM liu husi diskursu iha Metinaru,Tersa (27/09).

Xefe governu ne’e fó Parabens ba benefisiariu sira, no labele haluha ohin PM no Programa Nasional Dezenvolvenentu Suku (PNDS) fó hanoin ba ita bo’ot sira, kalen todan entaun haree didi’ak nia estrutura atu  tula karik la bele prejudika fali ita bo’ot sira. Parabens ba inan-aman sira no ba postu Administrativu Metinaru, tanba programa ida ne’e besik finansia no kontribui ba família besik rihun neen.

Iha fatin hanesan Ministru Administrasaun Estatal (MAE) Miguel Pereira de Carvalho hateten, Parlamentu nasionál aprova orsamentu adisional ratifikativu ho montante $10 miloens  iha tinan 2022 hodi   implementasaun programa Uma Kbiit Laek (UKL) Plus B.

“VIII governu konstituisional liu husi Ministeriu Administrasaun Estatal kompri mandatu konstituisional  RDTL iha artigu ida  hatete katak, populasaun no sidadaun sira hotu iha direitu, atu iha uma ne’ebé  kondisaun naton adekuadu hodi nia hela iha laran atu udan la bele kona no anin bo’ot la bele kona sira”, dehan MAE.

Nia hatutan, Uma ne’ebé ho adekuadu ne’e konstituisional RDTL mak preve iha ne’eba, infelismente VIII governu lideradu husi  PM Taur Matan Ruak durante tinan rua ne’e halo esforsu hotu hodi kompri previsaun konstituisaun ida ne’e.

Infelismente iha tinan kotuk husi direktor PNDS ne’ebé hato’o iha tinan governu halo UKL hamutuk 1.254 ba populasaun sira hotu iha Timor Leste ida ne’e la to’o, nia haktuir.

Iha tinan ne’e hahu ezekuta orsamentu ratifikativu tinan 2022, governu hahu halo UKL 4.0000 ba populasaun sira hotu iha Timor laran tomak, dehan nia.

“Governu hare’e katak uma ida ne’e la to’o, tan  ne’e orsamentu ratifikativu tinan 2022 ne’ebe aprova iha fulan Maiu tinan ida ne’e uma hamutuk  rihun 1 aumenta UKL kategoria (A) no mos fahe kalen hanesan ne’e ba populasaun hamutuk 6.000 iha Timor laran tomak”,Tenik nia

Enkuantu Kalen ne’e hodi inan-aman sira utiliza  ba kalen sira ne’ebe feruzen , ba benefisiariu iha tinan ida ne’e.

“Hau hakarak hateten kalen ida ne’e metru ida , todan 4.3kg  maibe ema ida lori la bele sei presiza komunidade sira bele ajuda lori kalen tanba kalen ho kualidade diak.”,Nia afirma

Entretantu planu estratejia nasional  aprova iha tinan 2011, nia durasaun la to’o 2030 no hateten katak 2015 fulan 8 no tinan 7 ba kotuk halo uma hamutuk rihun 5.50. LTS