V-MF António Freitas : Ezekusaun OJE 2023 Distribui Ona Ba Liña Ministeiriu
Naunil Media (Díli), Vise Ministru Finansas (MF), António Freitas hateten, Ezekusaun orsamentu Jerál Estadu (OJE) 2023 ne’ebé hetan promulgasaun husi prezidente Repúblika (PR) José Manuel Ramos Horta iha 20 fulan Dezembru tiana 2022, iha loron 5 fulan Janeiru tinan 2023, distribui ona orsamentu ne’e ba liña ministeriu sira.
“Ohin Ministériu Finansas atende semanal ho primeiru Ministru (PM) Taur Matan Ruak, ami informa pontu tolu importante hanesan ida Primeiru mak kuidadu ho orsamentu Jeral do Estadu 2023, Hanesan ita hotu hatene orsamentu jerál estadu 2023, hetan promulgasaun husi Prezidente Repúblika iha loron 20 fulan Dezembru tinan 2022, iha loron 5 fulan Janeiru tinan 2023, distribui ona orsamentu ne’e ba liña Ministeriu”, dehan vise MF ba jornalista hafoin hasoru malu ho Primeiru Ministru iha Palásiu Governu, Tersa (17/1).
Governante ne’e hateten, Hahú husi loron 5 fulan Janeiru tinan 2023, orsamentu iha ona sistema Orsamentu Jerál Estadu 2023 no ezekusaun ba orsamentu la’o ona,
Enkuantu Total Ezekusaun orsamentu to’o ohin ho nia montante por volta $364, 222, 574 ne’e ezekusaun Lao ona, ida ne’e seidauk inklui salariu fulan ida ne’e nian.
Salariu fulan ida ne’e nian iha loron 20 ba letene sei halo pagamentu ba salariu sira Ezekusaun orsamentu Jerál estadu 2023 la’o ona.
“Ezekusaun orsamentu gasta ne’e ha’u bele fó nia detallus primeru ezekusaun ne’ebé ohin ha’u hato’o $364, 222, 574 ne’e, ezekusaun Primeiru mak husi Gabinete, i husi Prezidente Repúblika nian por volta $250 miĺ, depois iha mos proposta balu mai husi Servisu Nasionál Intelijensia (SNI) $29, 200 no mós Ho Institutu Dezenvolvimentu Nasional (IDN) sira ne’e mak komesa hahu halo ezekusaun ne’ebe ami rejista”, nia esplika.
Segundu ha’u mós relata kona-bá prosesu ba projetus estratejiku sira, nune’e mak ita hetan finansiamentu emprestimu no mós Grant
Nune’e Projetu estratejiku ne’eb’e iha mak Aeroportu Presidente Nicolau Lobato, Aeroportu nia prosesu ba tenderizasaun loke kedas iha tinan ida liu ba, agora ita iha faze preparasaun tekniku CNA halo hela servisu ida ne’e ita espera katak iha fulan ida ne’e finaliza. LTS
