Nokosiku Sujere ba MJDAK Dezenvolve Desportu Hahu husi Baze

Naunil Media (Díli), Segunda-feira (03/07) ne’e, Sekretáriu Estadu Juventude no Desportu, Sesante Abrão Saldanha “Nokosiku”, entrega dokumentus ba governu foun Ministru Juventude Desportu Arte no Kultura (MJDAK), atual Nélio Isaac Sarmento.

Iha serimonia nee sekretariu estadu sesante Abrão Nokosiku mos apresenta programa progresu balun ne’ebe mak durante VIII governu konstituisional implementa ona liu-liu  SEJD nia servisu durante implementa ona no balun seidauk implementa maibe balun mos daudaun ne’e la’o hela maske seidauk iha final maibe husu nafatin ba Ministério foun atu kontinua nafatin atu dezenvolve diak liu tan ba futuru.

“Hau nia tempu ne’e desportu ne’ebe mak la’o deit iha nível nasional maibe iha baze, la’o lá dun di’ak maibe hau rekomenda ona ba ministru foun atu dezenvolve di’ak, tanba sekretariu estadu no desportu ne’e agora muda ona ba Ministério Juventude Desportu Arte no Kultura”, Sekretáriu Estadu Juventude no Desportu, Sesante Abrão Saldanha “Nokosiku”, ba jornalista sira iha Salaun Magna SEJD Lecidere Banhira hala’o serimonia despedida no entrega dokumentus ba governu foun.

Tuir Nia, “Iha área desportu nian hahu husi primeira Governu mai to’o oitavu governu hotu-hotu seidauk hari desportu husi baze liga ba setor desportu hotu-hotu, ne’e nia fundamental ne’e tenki hahu husi komunidade maibe lei politika atu implementa ba programa ne’e mak problema iha rekursu humanu menus”. Aba