Sesto Legislatura Fo Apresiasaun Ho Unanimidade Ba Programa IX Governu
Naunil Media (Díli), Parlamentu Nasionál (PN) Quarta, (19/9/23), halo ona apresiasaun ho unanimidade ba Programa IX Governu Konstitusionál, hafoin Debate Loron 2.
Tuir xefe Bankada (Frente Revolusionariu Timor-Leste Independente ( FRETILIN), Aniceto Longuinhos Guterres Lopes, fó apresiasaun ba programa IX Governu Konstitusionál no nia deklara katak FRETILIN la iha objesaun no kolabora ho objetividade hodi garante ba IX governasaun hodi ukun kompleta tinan 5.
“Hanesan hato’o ona iha hau nia intervensaun inisial iha debate, hau hakarak reafirma fali pozisaun Bancada FRETILIN katak la iha objesaun ba programa IX GOVERNU KONSTITUSIONAL ne’ebe ohin konklui ona iha debate, apresiasaun signifika-ke enkuantu opozisaun FRETILIN hakarak kolabora iha implementasaun do Programa IX Governo Konstitusional wainhira hetan báze husi intendimentu Polítika ruma no fo importansia ba Estadu no Povu ninia Bem comum, liu husi estabilidade politika, governativa atu garante paz. Hau ho respeita tomak atu husu ba Exelensia Primeiru Ministru atu retira pedidu Rejisaun fo votu de konfiansa”, dehan Deputadu Aniceto iha PN.
Primeiru Ministru(PM) IX Guverno Konstitusionál, Kay Rala Xanana Gusmão hato’o agradesimentu ho ne’e ho matawen ba bankada opozisaum ne’ebe mak fo ona votus konfiansa ba programa IX Guverno konstitusionál.
“Ha’u tenke dehan se ida ne’e ba nafatin iha ita nia rai no povu, tanba la’òs ita inimigu ba malu, maibè tanba povu ne’e, povu ne’e mak halo ita hamutuk, hamutuk iha hanoin, tanba ne’e mós maka lori naran governu ho partisipasaun ida kritika mais konstrutivu teb-tebes hosi imi hotu ha’u hakarak deklara iha ne’e katak, governu retira nia pedidu votu konfiansa, tanba imi fó tiha ona imi nia liafuan vale liu surat tahan ida,” PM Xanana deklara iha Parlamentu Nasionál.
Alem de ne’e bankada opozisaun, Partudu Libertasaun Popular (PLP) no partudu Kmanek Haburas Unidade Nasional Timor Oan (KHUNTO) mós apresia programa IX Guverno konstitusionál no promete sei kontribui no sai opozisaun konstrutiva durante governasaun.
Bankada Guverno Partidu Kongresu Nasional Rekonstrusaun Timor (CNRT) ho Partidu Demokratiku (PD) kontinua enkoraja governu atu realiza programa refere hodi responde ba nesesidade povu. Gyor
